کراچی(این بی پی اسپورٹس)شان نعمت نے گولڈن جوبلی قومی اسنوکر چیمپین شپ میں سیڈڈ ایان مارک جان کو 2-4 سے شکست دے کر بڑا اپ سیٹ کر دیا۔ تین مرتبہ کے عالمی چیمپئن محمد آصف کی ایونٹ میں شاندار کارکردگی کا سلسلہ بھی جاری ہے۔
شان نعمت نے ابتدائی راؤنڈ میں تیسری بار 2 سنچری بریک لگا دیئے اور اس کے ساتھ ہی پری کوارٹر فائنل کے لیے لائن مکمل کر دی گئی۔ این بی پی اسپورٹس کمپلیکس، کلفٹن میں چیمپین شپ میں پیر کو پری کوارٹر فائنل میچز کھیلے جائیں گے، جن میں اہم مقابلے درج ذیل ہیں:
رانا عرفان (پنجاب) بمقابلہ آکاش رفیق
علی حمزہ (سندھ) بمقابلہ اویس منیر (پنجاب)
اسجد اقبال بمقابلہ شان نعمت
احسن رمضان (پنجاب) بمقابلہ عبدالستار (سندھ)
شاہد آفتاب (پنجاب) بمقابلہ محمد آصف
احمر طارق (پنجاب) بمقابلہ محمد سجاد
مبشر رضا (پنجاب) بمقابلہ عبدالجاوید (اسلام آباد)
حسنین اختر بمقابلہ سہیل شہزاد (سندھ)
پہلے راؤنڈ کے نتائج میں خیبرپختونخوا کے آکاش رفیق نے مدثر یعقوب کو 0-4، اویس منیر نے زیب خان کو 2-4، شان نعمت نے ایان مارک جان کو 2-4، عبدالستار نے محمد فیضان کو 0-4، محمد آصف نے ذوالفقار اے قادر کو 0-4، محمد سجاد نے سلطان محمد کو 2-4، عبدالجاوید نے علی رضا کو 1-4 اور سید حسنین اختر نے آصف ٹوبہ کو 2-4 سے شکست دی۔
یہ نتائج اسنوکر شائقین کے لیے سنسنی خیز مقابلوں کا سلسلہ جاری رکھنے کا اشارہ ہیں۔
