ریڈ ڈئیر (نامہ نگار+رائٹرز+Global News)البرٹا کی وزیرِ اعلیٰ ڈینیئل سمتھ کی قیادت میں “البرٹا نیکسٹ” پینل کا پہلا ٹاؤن ہال اجلاس 15 جولائی کو ریڈ ڈئیر کے ہارویسٹ سینٹر میں منعقد ہوا، جہاں تقریباً 450 افراد نے شرکت کی۔ شرکاء نے وفاقی ٹیکس از خود وصول کرنے، صوبائی پولیس فورس کے قیام اور کینیڈا پینشن پلان سے علیحدگی جیسے اقدامات کی حمایت کی، جنہیں البرٹا کی خودمختاری کیلئےناگزیر قرار دیا گیا ۔
شرکاء نے زور دیا کہ “اگر آپ آزادی درخواست کرتے ہیں تو کبھی نہیں ملے گی، مگر اگر آزادی کا اعلان کریں تو یہی آغاز ہوگا” ۔ جیفری رتھ نے کہا کہ صوبہ وفاقی ٹیکس وصولی کا اختیار حاصل کر سکتا ہے جو علیحدگی کی واضح علامت ہوگی ۔
ڈینیئل سمتھ نے کہا کہ وہ وفاق کے ساتھ مذاکرات کو ترجیح دیں گی، لیکن اس کیلئےوفاقی حکومت کی سنجیدگی ضروری ہے۔ اُن کا کہنا تھا کہ اگر البرٹا وفاق کا حصہ رہے گا تو بی سی کے ساتھ معاملات پیچیدہ ہوں گے، ورنہ آسانی سے سودے کیے جا سکتے ہیں ۔
یہ اجلاس “البرٹا نیکسٹ” پینل کی دس ٹاؤن ہال ملاقاتوں میں پہلا قدم تھا، جس کا مقصد 2026 میں ممکنہ ریفرنڈم کیلئےعوامی تجاویز اکٹھی کرنا ہے ۔شرکاء نے وفاقی ٹیکس، پینشن پلان، پولیس جیسے موضوعات پر خود ارادیت کا مطالبہ کیا ۔علیحدگی یا خودمختاری کے حق میں بولنے والوں نے “آزادی کا اعلان” پر زور دیا ۔
ڈینیئل سمتھ وفاق کے ساتھ مذاکراتی راستہ رکھتی ہیں مگر لختہ اقدامات کی توقع کرتی ہیں .
