برامپٹن،اونٹاریو (نمائندہ خصوصی) سٹی آف برامپٹن، اونٹاریو سے تعلق رکھنے والے پیشہ ور فنکاروں کو دو دلچسپ مواقع کیلئے اپنی تخلیقی تجاویز جمع کروانے کی دعوت دے رہا ہے۔ ان منصوبوں کا مقصد مقامی فن، ثقافت اور کمیونٹی کو اجاگر کرنا ہے۔
🎨 ابھی درخواست دیں – برامپٹن کلچر ڈیز 2025 کی قیادت کریں.
برامپٹن کلچر ڈیز 2025 کی تیاری کر رہا ہے،فنکاروں، اجتماعی گروہوں اور ثقافتی تنظیموں کو ایسے پروگراموں کی تجاویز دینے کی دعوت دی جا رہی ہے جو فن، ثقافت اور برادری کو منائیں۔ کامیاب تین درخواست گزاروں کو 4000 ڈالرتک کی مالی معاونت دی جائیگی جو فنکارانہ معاوضے، مواد اور دیگر مجاز اخراجات کیلئے استعمال کی جا سکتی ہے۔
درخواست دینے کی آخری تاریخ 24 جون 2025کو رات 11:59 بجے تک ہے.
گزشتہ برس، برامپٹن کو شہری مراکز کے زمرے میں “ٹاپ پارٹیسپٹنگ کمیونٹی” قرار دیا گیا اور قومی سطح پر دوسرا درجہ حاصل کیا، جہاں 200 سے زائد مفت سرگرمیاں پیش کی گئیں۔ اس سال، برامپٹن کا مقصد اور بھی زیادہ رہائشیوں اور سیاحوں کو مقامی تخلیقی صلاحیتوں سے جوڑنا ہے۔
🧱 ابھی درخواست دیں – برامپٹن فائر اینڈ ایمرجنسی ہیڈکوارٹرز پر نیا دیواری فن تخلیق کریں
پیشہ ور فنکاروں اور فنکاروں کی قیادت میں کام کرنے والی ٹیموں کو دعوت دی جا رہی ہے کہ وہ برامپٹن فائر اینڈ ایمرجنسی سروسز ہیڈکوارٹرز اینڈ ٹریننگ سینٹر کی سامنے کی کھڑکیوں کیلئےایک نیا دیواری فن تخلیق کرنے کی تجاویز جمع کروائیں۔ یہ دیوار برامپٹن کے فائر فائٹرز اور ایمرجنسی رسپانڈرز کو خراج تحسین پیش کرے گی، اور “خدمت، کمیونٹی، اور لچک” جیسے موضوعات کی عکاسی کرے گی۔
درخواست دینے کی آخری تاریخ 20 جون 2025 کودوپہر 2 بجے تک ہے.
مزید معلومات اور درخواست فارم کیلئے ملاحظہ کریں:🔗 brampton.ca/culture
گزشتہ سال، شہر نے اپنی پہلی پبلک آرٹ اسٹریٹجی کی منظوری دی، جس کا مقصد برامپٹن کی ترقی میں فن کو شامل کرنا ہے۔ عوامی فن، برامپٹن میں کمیونٹی کے مقامات کو زندگی بخشتا ہے اور تنوع و شمولیت کے جذبے کو فروغ دیتا ہے۔ فی الحال برامپٹن میں 65 سے زائد فن پارے موجود ہیں، جو مقامی مشاورت سے منتخب کیے گئے ہیں۔
