سیئول : جنوبی کوریا کے صدر نے مارشل لا کے نفاذ کا فیصلہ واپس لے لیا، پارلیمنٹ میں ووٹنگ کے بعد جنوبی کوریا میں مارشل لا کالعدم ہوگیا تھا۔خبر رساں ادارے کی رپورٹ کے مطابق جنوبی کوریا کے صدر صدر یون سوک یول نے ملک میں ایمرجنسی نافذ کرکے مارشل لا کا اعلان کیا تھا۔
مارشل لا کے اعلان کے خلاف چند گھنٹوں بعد ہی ارکان پارلیمنٹ تمام تر رکاوٹوں کے باوجود ایوان میں پہنچے اور مارشل لا کے خلاف قرار داد منظور کی، قرارداد میں 190ارکان نے ووٹ دیا۔
قبل ازیں جنوبی کوریا کے صدر یون سوک یول کی جانب سے مارشل لا کے نفاذ کو مسترد کردیا گیا اور پارلیمنٹ کے باہر عوام کی ایک بڑی تعداد جمع ہوئی اور اس اقدام کے خلاف احتجاج کرتے ہوئے صدر سے استعفیٰ کا مطالبہ کیا۔جنوبی کوریا کے قانون کے مطابق اگر پارلیمنٹ اکثریت کے ساتھ ووٹ کے ذریعے مارشل کے اقدام کو مسترد کرے تو صدر کو فوری طور پر مارشل ختم کرنا ہوتا ہے۔
