سعودی عرب کے شہر مکہ مکرمہ میں واقع ’خندمہ‘ پہاڑ اپنے بہترین محل وقوع کے باعث شہریوں اور آنے والے زائرین کے لئے انتہائی اہمیت کا حامل ہے۔
سعودی خبر رساں ادارے ایس پی اے کی رپورٹ کے مطابق سعودی عرب میں گزشتہ ایام میں ہونے والی شدید بارشوں میں اہل مکہ اور زائرین کی بڑی تعداد ’خندمہ‘ پہاڑ پر تفریح کیلئے پہنچی۔
اس دوران بلند مقام سے مکہ مکرمہ کی خوبصورت تصاویر بنائی گئیں، جن میں مسجد الحرام کے علاوہ شہر کے قدیم اور جدید علاقوں کے روح پرور مناظر دیکھے جا سکتے ہیں۔
پہاڑ کا مشرقی علاقے سیکنڈ رنگ روڈ کا منظر پیش کرتا ہے جبکہ مغربی جانب سے مقدس شہر کے قدیم علاقے کو دیکھا جا سکتا ہے، پہاڑ کے شمال میں ’المسفلہ‘ محلہ ہے جبکہ جنوبی سمت ’جرول‘ کا علاقہ موجود ہے۔
