اڈیالہ جیل میں قید پاکستان تحریک انصاف کے بانی سے ملاقات کرانے یا نہ کرانے سے متعلق جیل انتظامیہ کا اہم موقف سامنے آ گیا ہے۔
اڈیالہ جیل راولپنڈی کے ذرائع نے بتایا ہے کہ ان کی جیل میں اسیر تحریک انصاف کے بانی عمران خان سے ملاقات کرانے یا نہ کرانے کا اختیار جیل انتظامیہ کے پاس نہیں ہے۔
جیل ذرائع کا کہنا ہے کہ عمران خان جیل کی تحویل میں نہیں بلکہ راولپنڈی پولیس کی حراست میں ہیں۔ اس لئے ان سے ملاقات کے خواہشمند افراد پنڈی پولیس سے رابطہ کریں۔
بانی پی ٹی آئی عمران خان تھانہ نیو ٹاؤن کے ایک مقدمے میں جسمانی ریمانڈ پر راولپنڈی پولیس کی حراست میں ہیں اور ان کے سیل کو راولپنڈی تھانہ نیو ٹاؤن کا حصہ قرار دیا گیا تھا۔
واضح رہے کہ اسلام آباد ہائیکورٹ نے گزشتہ ہفتے عمران خان کی توشہ خانہ ٹو کیس میں ضمانت منظور کرتے ہوئے انہیں رہا کرنے کا حکم دیا تھا۔
تاہم اس فیصلے کے چند گھنٹے بعد عمران خان کی گرفتاری تھانہ نیو ٹاؤن میں دہشتگردی ایکٹ کے تحت درج مقدمے میں ڈال دی گئی تھی
