زمبابوے نے پاکستان کے خلاف ون ڈے اور ٹی 20 سیریز کیلئے اسکواڈ کا اعلان کردیا ہے۔زمبابوے نے پاکستان کے خلاف ٹی 20 اور ون دے سیریز کیلئے 15، 15 رکنی اسکواڈ کا اعلان کیا ہے، ون ڈے کی قیادت کریگ ایرون کریں گے جبکہ ٹی 20 کے کپتان سکندر رضا ہوں گے۔
ون ڈے اسکواڈ میں فراز اکرم، برائن بینیٹ، جوئے لارڈگمبی شامل ہیں۔مارومانی، موذاربانی، رچرڈ نگارا اوا، شان ولیمز اور سکندر رضا کو ون ڈے اسکواڈ کا حصہ بنایا گیا ہے۔علاوہ ازیں رائن برل، ویزلے مدھیویرے، ویلنگٹن مساکاڈزا ٹی 20 اسکواڈ میں بھی شامل ہیں۔
دونوں ٹیموں کےدرمیان پہلا ون ڈے میچ 24 نومبر کو بولاوایو میں کھیلا جائےگا جبکہ دوسرا ون ڈے 26 اور آخری میچ 28 نومبر کو ہوگا۔پاکستان اور زمبابوے کے درمیان پہلا ٹی ٹوئنٹی میچ یکم دسمبر، دوسرا 3 اور آخری ٹی ٹوئنٹی میچ 5 دسمبر کو کھیلاجائےگا۔سیریز کےتمام میچز بولاوایو میں کھیلے جائیں گے۔
