ڈیموکریٹک صدارتی امیدوار کاملا ہیرس نے ری پبلکن حریف ڈونلڈ ٹرمی کا فوجی قبرستان کا دورہ توہین آمیز قرار دے دیا۔
ڈیموکریٹک صدارتی امیدوار کاملا ہیرس سوشل میڈیا پر لکھا کہ ٹرمپ نے فوجی قبرستان میں انتخابی اشتہار بنا کر مقدس مقام کی توہین کی، آرلنگٹن قبرستان سیاست نہیں خراج عقیدت پیش کرنے کی جگہ ہے۔
انتخابی مہم کیلئے وڈیو بنانے پر انتظامیہ اور ٹرمپ کے حامیوں میں جھگڑا بھی ہوا، کاملا کے مطابق ٹرمپ نے پولیٹیکل اسٹنٹ کیلئے قبرستان کی مقدس زمین کو پامال کیا۔
دوسری جانب سابق امریکی صدر ڈونلڈ ٹرمپ نے کاملا ہیرس کے ٹوئٹ پر جلسے میں ردعمل دیتے ہوئے کہا انہیں پبلسٹی کی ضرورت نہیں، ورثا کے بلانے پر فوجی قبرستان گیا تھا۔
