پاکستان کی معروف اداکارہ ماہرہ خان 40 برس کی ہو گئیں۔اداکارہ نے گزشتہ روز 21 دسمبر کو اپنی 40 ویں سالگرہ منائی۔اس موقع پر ساتھی فنکاروں اور ان کے مداحوں نے ماہرہ خان کو مبارک باد دی اور نیک خواہشات کا اظہار کیا۔
ماہرہ خان نے سالگرہ سے متعلق ملنے والے پیغامات کو اپنے سوشل میڈیا پر بھی شیئر کیا ہے۔میڈیا انڈسٹری ہو یا سوشل میڈیا یا پھر سماجی کام اداکارہ ماہرہ خان ہر ہی شعبے میں بہت زیادہ متحرک رہنے والے اداکاروں میں شامل ہیں۔
ماہرہ خان گزشتہ سال اکتوبر میں اپنے قریبی دوست سلیم کریم کے ساتھ رشتۂ ازدواج میں بھی منسلک ہوئی تھیں۔یاد رہے کہ ماہرہ خان کی پہلی شادی 2007ء میں علی عسکری کے ساتھ ہوئی تھی جن سے ان کا ایک بیٹا اذلان ہے پھر یہ شادی 8 سال بعد 2015ء میں ختم ہو گئی تھی۔
