مجھے یہ اعزاز حاصل ہے کہ میں ڈاکٹر فرینک مارٹینو اور کین میہیو کی شاندار خدمات کا اعتراف کروں، جو ہماری کمیونٹی میں صحت عامہ اور فلاح و بہبود کے شعبے میں نمایاں کردار ادا کر رہے ہیں۔ شفقت علی، ممبر آف پارلیمنٹ برامپٹن سینٹرنےان خیالات کااظہارایک تقریب کے دوران کیا.
ڈاکٹر فرینک مارٹینو، جو ولیم اوسٹر ہیلتھ سسٹم کے صدر اور سی ای او ہیں، گزشتہ 30 سالوں سے برامپٹن میں ایک خاندانی معالج کے طور پر خدمات انجام دے رہے ہیں۔ انہوں نے ولیم اوسٹر میں کئی اہم قیادتی عہدوں پر فائز رہتے ہوئے چیف آف اسٹاف اور کوالٹی اینڈ میڈیکل افیئرز کے عبوری ایگزیکٹو نائب صدر کے طور پر بھی اپنی خدمات سرانجام دیں۔ وہ نہ صرف صوبائی اور قومی سطح پر صحت عامہ میں بہتری کیلئےکام کر رہے ہیں بلکہ میک ماسٹر یونیورسٹی میں میڈیکل کے طلباء کو بھی تعلیم دے رہے ہیں۔
کین میہیو، جو ولیم اوسٹر ہیلتھ سسٹم فاؤنڈیشن کے صدر اور سی ای او ہیں نے اس تنظیم کو اس کے 100 ملین ڈالر کے فنڈ ریزنگ ہدف سے 9 ملین ڈالر زائد رقم جمع کرنے میں کامیاب قیادت فراہم کی، جس سے اوسٹر کے اسپتالوں میں اہم منصوبوں کی مدد ممکن ہوئی۔ڈاکٹر فرینک مارٹینو اور کین میہیو نے ہمارے نظامِ صحت اور کمیونٹی میں دیرپا خدمات انجام دی ہیں۔ آئیے ان کی کامیابیوں کا جشن منانے میں میرا ساتھ دیں۔
شفقت علی، ممبر آف پارلیمنٹ برامپٹن سینٹرکاکہناتھا کہ “آج ہم دو غیر معمولی شخصیات کی شاندار کامیابیوں کا جشن منانے کیلئےجمع ہوئے ہیں۔ یہ میرے لئے اعزاز کی بات ہے کہ میں ڈاکٹر فرینک مارٹینو اور کین میہیو کو صحت عامہ اور فلاحی خدمات میں ان کی نمایاں خدمات پر خراج تحسین پیش کروں۔ ان کی قیادت نے نمایاں اثرات مرتب کیے ہیں خاص طور پر برامپٹن میں جہاں ان کی کوششوں نے مقامی صحت عامہ کے نظام کو بہتر بنانے میں اہم کردار ادا کیا ہے اور وہ برسوں سے مقامی کمیونٹی کی خدمت کر رہے ہیں۔”
