کوئٹہ (نمائندہ خصوصی) بلوچستان اسمبلی کے حلقہ پی بی‑36 قلات میں 7 پولنگ اسٹیشنز پر ہونے والی دوبارہ پولنگ کے نتائج کا اعلان کر دیا گیا ہے، جس میں بلوچستان عوامی پارٹی کے امیدوار میر ضیاءاللہ لانگو دوبارہ کامیاب ہوئے ہیں۔
پی بی36قلات حلقے میں 7 پولنگ اسٹیشنز پر دوبارہ پولنگ کا فیصلہ الیکشن ٹریبونل کی جانب سے نامزد امیدوار کی طرف سے انتخابی نتائج میں بے ضابطگی کی شکایت کے بعد کیا گیا تھا۔ اس شکایت کی بنیاد پر الیکشن کمیشن آف پاکستان (ECP) نے 7 پولنگ اسٹیشنز پر دوبارہ ووٹنگ کا حکم دیا تاکہ شفاف انتخاب کو یقینی بنایا جا سکے۔
الیکشن کمیشن آف پاکستان کے غیر سرکاری نتائج کے مطابق میر ضیاءاللہ لانگو نے تقریباً 14181 ووٹ حاصل کیے، جبکہ جمعیت علمائے اسلام (ف) کے امیدوار سردار سعید لانگو دوسرے نمبر پر آئے جنہوں نے 11064 ووٹ حاصل کیے۔ تیسری پوزیشن پر پیپلزپارٹی کے محمد نعیم ڈاور رہے جنہوں نے 6014 ووٹ حاصل کیے، جبکہ بلوچستان نیشنل پارٹی‑منگل کے میر قادر بخش نے 5835 ووٹ حاصل کیے۔
ری‑پولنگ میں ووٹر ٹرن آؤٹ تقریباً 41 فیصد رہا، جس میں 8 883 رجسٹرڈ ووٹرز نے ووٹ ڈالے۔یہ دوبارہ پولنگ الیکشن ٹریبونل کے فیصلے کے بعد کرائی گئی، جس میں پرانے نتائج کو چیلنج کرنے کے بعد مخصوص پولنگ اسٹیشنز پر دوبارہ ووٹنگ کا حکم دیا گیا تھا۔
پی بی36قلات حلقے میں 7 پولنگ اسٹیشنز پر دوبارہ پولنگ کے باوجوددھاندلی کی شکایت موصول ہوئی ہیں اوراس کے ساتھ مارپیٹ کے واقعات بھی رپورٹ کئے گئے ہیں۔
