کھلاڑی الگ الگ واپس آ رہے ہیں اس لئے بس پریڈ نہیں رکھی:بھارتی بورڈ

دہلی(نیٹ نیوز)چیمپئنز ٹرافی 2025 کا ٹائٹل جیتنے کے بعد بھارتی ٹیم کی ملک واپسی پر بس پریڈ نہ ہونے کی وجہ سامنے آگئی۔بھارتی میڈیا رپورٹس کے مطابق چیمپئنز ٹرافی میں کامیابی کے بعد ٹیم کی وطن واپسی کا سلسلہ جاری ہے لیکن کھلاڑیوں کیلئےکسی تقریب کا اہتمام نہیں کیا گیا ہے نہ ہی بس پریڈ ہوئی۔

بھارتی میڈیا کا کہنا ہے کہ آئی پی ایل میں چند روز باقی رہ جانے کی وجہ سے کھلاڑیوں کو آرام دیا گیا ہے۔میڈیا رپورٹس کے مطابق بھارتی کھلاڑیوں نے جلد اپنی اپنی ٹیموں کو جوائن کرنا ہے ، لاجسٹک کے لحاظ سے ممکن نہیں ہوا، فاتح بھارتی ٹیم کے کچھ اراکین چھٹیوں کیلئے دبئی رک گئے ہیں۔بھارتی بورڈ کے کوئی تقریب یا پریڈ نہ رکھنے کی وجہ سے کھلاڑی الگ الگ واپس آ رہے ہیں۔