متحدہ عرب امارات کے صدر شیخ محمد بن زاید سے افغانستان کی انتظامیہ کے وزیر داخلہ ملا سراج الدین حقانی نے ملاقات کی۔
ابو ظہبی میں ہونے والی ملاقات میں دونوں ممالک کے درمیان دوستانہ تعلقات اور تعاون کو مضبوط بنانے پر تبادلہ خیال کیا گیا۔
عرب میڈیا کے مطابق ملاقات میں باہمی مفادات کو پورا کرنے اور علاقائی استحکام میں کردار ادا کرنے کے لیے تعلقات کو بڑھانے پر بھی بات چیت ہوئی۔
رہنماؤں نے اقتصادی اور ترقیاتی شعبوں کے ساتھ ساتھ افغانستان میں تعمیر نو پر بھی بات کی۔
عرب میڈیا کے مطابق طالبان کے چیف آف انٹیلی جنس ملا عبدالحق وثیق بھی ملاقات میں موجود تھے۔
