کویئنز پارک (نمائندہ خصوصی) ایم پی پی ٹائلر واٹ،اونٹاریولبرل پارٹی کے ٹریننگ، کالجز اور یونیورسٹیوں کے نقاد، نے صوبے بھر کے اسٹوڈنٹ لیڈرز کے ہمراہ ڈگ فورڈ حکومت سے OSAP میں فوری اصلاحات کا مطالبہ کیاہے۔
پریس کانفرنس میں اسٹوڈنٹ لیڈرز نے خبردار کیا کہ OSAP میں حالیہ تبدیلیاں طلبہ کی تعلیم تک رسائی، مالی سہولت اور آنٹاریو کی اقتصادی ترقی کیلئے خطرہ بن رہی ہیں۔ٹائلر واٹ نے کہا “آنٹاریو لبرلز نے OSAP کے تحت Ontario Student Grant بنایا، مگر اس کی حفاظت کیلئےسب کو مل کر آواز بلند کرنی ہوگی۔ ہم ڈگ فورڈ سے مطالبہ کرتے ہیں کہ وہ OSAP کو فوراً درست کریں۔”
انہوں نے بتایا کہ 2016 میں آنٹاریو اسٹوڈنٹ گرانٹ کی بدولت وہ نرس بننے کے قابل ہوئے لیکن ڈگ فورڈ کی حالیہ کٹوتیوں نے کئی طلبہ کو پروگرام چھوڑنے پر مجبور کیا اور طلبہ پر قرضوں کا بوجھ بڑھایا۔
اسٹودنٹس کے نمائندے پریس کانفرنس میں شامل تھے.
پائپر پلاوِنز، صدر و سی ای او، McMaster Students Union
نیٹ بروٹن، صدر، University of Guelph Central Student Alliance
ریمینگٹن اگنسکایا-ژی، وائس پریزیڈنٹ، Waterloo Undergraduate Students Association
سمیہ خان، بورڈ ممبر، Ontario Student Voices اور صدر، Sheridan Student Union
روبن دا سلویرا، وائس پریزیڈنٹ، Ontario Student Trustees Association
راہیم وائٹ، سابق ہائی اسکول اسٹوڈنٹ ٹرسٹی، Dufferin-Peel Catholic District School Board
پائپر پلاوِنز نے کہا “ہم حکومت سے لالی پال نہیں مانگ رہے ہم ایک ایسا نظام چاہتے ہیں جو موجودہ اقتصادی حقیقت کو سمجھے۔”
نیٹ بروٹن نے کہا “جبکہ وزیراعظم فورڈ طلبہ کو ‘basket-weaving courses’ سے اجتناب کرنے اور ‘jobs of the future’ پر توجہ دینے کو کہہ رہے ہیں، یہ تبدیلیاں تمام پروگرامز کے طلبہ کو متاثر کر رہی ہیں، ہر تعلیم مہنگی اور کم دستیاب ہو رہی ہے۔”
ریمینگٹن اگنسکایا-ژی نے بتایا “Waterloo کے 67 فیصد طلبہ نے کہا کہ مالی دباؤ ان کی ذہنی صحت پر منفی اثر ڈال رہا ہے؛ 22 فیصد سماجی تقریبات میں شامل نہیں ہوئے، 18 فیصد پرانے ٹیکسٹ بکس استعمال کر رہے ہیں، اور 14 فیصد نے اضافی، اکثر زیادہ سود والے قرضے لیے ہیں۔”
سمیہ خان نے کہا “ایک بالغ طالب علم جو فیس، کرایہ، بچوں کی دیکھ بھال اور کھانے پینے کے اخراجات کو متوازن کر رہا ہے، گرانٹ کی کمی انتہائی مالی بوجھ ڈالے گی؛ یہ فیصلہ کن عنصر بنے گا کہ پوسٹ سیکنڈری تعلیم جاری رکھیں یا چھوڑ دیں۔”
روبن دا سلویرا نے کہا “بہت سے گریجویٹنگ طلبہ کیلئےسب سے بڑی غیر یقینی بات قبولیت نہیں بلکہ یہ ہے کہ کیا ہم اسے برداشت کر سکتے ہیں۔ طلبہ کو مدد چاہیے، مزید قرض نہیں۔”
راہیم وائٹ نے کہا “میرے والدین نے پوسٹ سیکنڈری تعلیم حاصل نہیں کی۔ میرا خاندان اس ملک اور صوبے میں آیا تاکہ ان کے بچوں کو بہتر زندگی اور اعلیٰ تعلیم کا موقع ملے۔ اب یہ سب غیر یقینی لگ رہا ہے۔”
پریس کانفرنس کے بعد اسٹوڈنٹ لیڈرز نے MPP واٹ کے ساتھ OSAP میں اصلاحات کے حل اور آئندہ اقدامات پر اجلاس میں تبادلہ خیال کیا۔
