بارسلونا کے ہسپتال سانت پاؤ میں اسپین کا پہلا دا ونچی سرجیکل روبوٹ متعارف

بارسلونا(بیورورپورٹ)بارسلونا کے ہسپتال سانت پاؤ میں اسپین کا پہلا دا ونچی سرجیکل روبوٹ متعارف، پیچیدہ سرجریوں کو کم تکلیف دہ اور تیز تر بنانے کیلئےانقلابی قدم قراردیاجارہاہے.

بارسلونا کے ہسپتال سانت پاؤ میں اسپین کے عوامی صحت کے نظام میں ایک نیا انقلاب آیا ہے، جہاں اسپین کا پہلا دا ونچی سرجیکل روبوٹ کامیابی سے کام کرنا شروع کر چکا ہے۔اس جدید روبوٹ کی مدد سے پیچیدہ سرجریاں اب صرف 3 سے 5 سینٹی میٹر کے ایک چیرے کے ذریعے کی جا سکتی ہیں، جو پہلے متعدد چیروں کے ذریعے ممکن تھی۔

اس روبوٹ کا استعمال نہ صرف کم درد اور جلدی صحت یابی کو ممکن بناتا ہے بلکہ یہ انتہائی پیچیدہ سرجریوں کو بھی زیادہ مؤثر اور کم تکلیف دہ بنا رہا ہے۔ ڈاکٹر خوسے مانوئل فرانکوس کے مطابق، یہ روبوٹ سرجنز کو 360 ڈگری ایناٹومیکل ایکسیس فراہم کرتا ہے، یعنی سرجری کے دوران ایسا محسوس ہوتا ہے جیسے تین سرجن ایک ساتھ کام کر رہے ہوں۔

اس روبوٹ کو دسمبر 2024 میں ہسپتال میں نصب کیا گیا تھا اور اب تک اس کے ذریعے درجن بھر مریضوں کی کامیاب سرجری کی جا چکی ہے۔ مکمل طور پر فعال ہونے کے بعد، یہ روبوٹ ہر سال 150 سے 200 سرجریاں انجام دے سکے گا۔یہ جدید ٹیکنالوجی اسپین کے عوامی صحت کے نظام میں ایک انقلابی قدم ثابت ہو سکتی ہے، جو مریضوں کی زندگیوں کو بدل کر رکھ دے گی۔