برامپٹن، اونٹاریو (نمائندہ خصوصی) جنوری کا مہینہ تمل ہیریٹیج منتھ کے طور پر منایا جاتا ہے، یہ وقت تمل کمیونٹی کی بھرپور تاریخ، ثقافت، عزم اور طاقت کو خراج تحسین پیش کرنے کا ہے۔برامپٹن، جو کہ کینیڈا میں ایک بڑی تمل ڈائیاسپورا کا گھر ہے، تمل کمیونٹی کے نمایاں سماجی، ثقافتی اور اقتصادی کردار کو تسلیم کرتا ہے۔
آج تھائی پونگل کے آغاز کا دن بھی ہے، جو ایک کثیر روزہ ہندو تہوار ہے جسے تمل کمیونٹی مناتی ہے۔یہ تہوار تمل مہینے تھائی کے آغاز کی نشاندہی کرتا ہے اور خوشحالی اور نئے موسم کی آمد کا جشن مناتا ہے۔
تمل ہیریٹیج منتھ کے سلسلے میں، سٹی آف برامپٹن تمام رہائشیوں کو 25 جنوری کو تمل ثقافت اور روایات کا جشن منانے کی دعوت دیتی ہے۔یہ ایونٹ برامپٹن تمل ایسوسی ایشن اور برامپٹن تمل سینیئرز ایسوسی ایشن کے اشتراک سے منعقد ہوگا اور الگومہ یونیورسٹی کے فراخدلانہ تعاون سے اسپانسر کیا گیا ہے۔
تہوار کی تقریبات سٹی ہال، کین ویلانز اسکوائرمیں منعقد ہونگی جن کاآغاز کمیونٹی فلیگ ریزنگ سے ہوگا.اس کے بعدموسیقی کی لائیو پرفارمنس ہونگی جس کے ساتھ ساتھ رقص کامظاہرہ بھی کیا جائیگا.جس کے بعدسٹی ہال ایٹریم اور کنزرویٹری میں مفت روایتی تمل کھانے کی دعوت ہوگی.یہ تمل ثقافت کے بھرپور رنگوں اور ورثے کو دریافت کرنے کیلئےایک منفرد موقع فراہم کریگا۔
تقریب ہفتہ، 25 جنوری 2025کو دوپہر 2 بجے سے شام 5 بجے تک ہوگی.پروگرام کا آغاز کمیونٹی فلیگ ریزنگ سے ہوگا، جس کے بعد ایک استقبالیہ کین ویلانز اسکوائر اور سٹی ہال ایٹریم،2 ویلنگٹن اسٹریٹ ویسٹ، برامپٹن، اونٹاریو، L6Y 1P4میں ہوگا۔یہ ایونٹ تمل ثقافت، ورثے اور خوشحالی کے جشن کا ایک شاندار موقع ہوگا۔ آپ کی شرکت کا خیرمقدم کیا جاتا ہے!
برامپٹن کے میئر پیٹرک براؤن کاکہناتھا کہ “سٹی آف برامپٹن تمل ہیریٹیج منتھ اور تھائی پونگل کا جشن منانے پر فخر محسوس کرتی ہے، اور تمل کینیڈینز کے کردار کو تسلیم کرتی ہے جنہوں نے ایک متحرک، جامع اور متنوع برامپٹن کی تعمیر میں اہم کردار ادا کیا ہے۔ یہ تقریب تمل ثقافت اور روایات کو خراج تحسین پیش کرنے کا موقع ہے، جبکہ ایک کمیونٹی کے طور پر ہم اپنے تمل رہائشیوں کی طاقت اور عزم کا جشن مناتے ہیں۔”
ڈپٹی میئر، سٹی کونسلراور وارڈز 9 اور 10چیئرمین کارپوریٹ سروسز کمیٹی ہرکیرت سنگھ نے کہاکہ “تمل کمیونٹی برامپٹن کے ثقافتی تنوع میں ایک اہم کردار ادا کرتی ہے۔ تمل ہیریٹیج منتھ اور تھائی پونگل کی تقریبات تمل تاریخ، ثقافت اور روایات کی بھرپوریت کو نمایاں کرتی ہیں۔ ہمیں اس ایونٹ کی میزبانی کرنے پر فخر ہے اور ہم تمام رہائشیوں کو دعوت دیتے ہیں کہ وہ ہمارے ساتھ شامل ہوں اور تمل ہیریٹیج منتھ کا جشن منائیں۔”
