برامپٹن، اونٹاریو (نمائندہ خصوصی) برامپٹن شہر نے اپنے نئے آٹومیٹڈ اسپیڈ انفورسمنٹ (ASE) پروسیسنگ سینٹر کا باقاعدہ افتتاح کیا، جو مقامی اور صوبائی سطح پر روڈ سیفٹی کے لیے ایک اہم سنگ میل ہے۔ یہ نئی سرمایہ کاری برامپٹن کی سڑکوں کی حفاظت کے عزم کی مظہر ہے، جو مقامی ٹریفک قوانین کے نفاذ میں مزید مددگار ثابت ہوگی۔
نئے پروسیسنگ سینٹر کے قیام سے شہر میں رفتار کی خلاف ورزیوں کی نگرانی اور پروسیسنگ کو بہتر بنانے کے لیے 42 نئے عہدے تخلیق کیے گئے ہیں، جن میں 30 انفورسمنٹ آفیسرز شامل ہیں۔ یہ مرکز برامپٹن کی سڑکوں کو محفوظ بنانے اور جرمانوں کی پروسیسنگ کو تیز تر کرنے میں کلیدی کردار ادا کرے گا۔
برامپٹن کا نیا ASE پروسیسنگ سینٹر صوبے بھر میں بلدیاتی اداروں کو خدمات فراہم کرے گا اور ٹکٹ پروسیسنگ کو تیز اور آسان بنائے گا۔ اس مرکز کے ذریعے برامپٹن کا شمار اونٹاریو کے سب سے بڑے آٹومیٹڈ اسپیڈ انفورسمنٹ کیمرا پروگرامز میں ہوتا ہے، جس میں 2025 کے آخر تک 185 کیمرے نصب کیے جانے کا ہدف ہے۔
آٹومیٹڈ اسپیڈ انفورسمنٹ (ASE) ایک خودکار نظام ہے جو کیمرا اور اسپیڈ میجرمنٹ ڈیوائس کے ذریعے رفتار کی حدود کا نفاذ کرتا ہے۔ ASE ایک ثابت شدہ ٹریفک کنٹرولنگ آلہ ہے جو ٹیکنالوجی کی مدد سے سڑکوں کو تمام صارفین کے لیے محفوظ بناتا ہے۔
ASE دیگر سڑکوں کی حفاظت کے اقدامات کے ساتھ مل کر کام کرنے کے لیے ڈیزائن کیا گیا ہے، جیسے کہ ٹریفک کنٹرولنگ، کمیونٹی سیفٹی زونز، ڈیجیٹل ٹریفک کنٹرولنگ سائنز، تعلیمی مہمات، اور پولیس کے نفاذ کے ذریعے لوگوں کو رفتار کی پابندی کی اہمیت سے آگاہ کرنا۔ اس پروگرام کا مقصد یہ ہے کہ:
رفتار کی پابندی کو بڑھایا جائے،ڈرائیوروں کے رویے کو تبدیل کیا جائے،عوام میں رفتار کم کرنے کی اہمیت کے بارے میں آگاہی بڑھائی جائے، ASE پروگرام کے اعداد و شمار کے مطابق، تمام ASE کیمرا سائٹس پر گاڑیوں کی اوسط رفتار میں 6.5 کلومیٹر فی گھنٹہ کی کمی دیکھنے میں آئی ہے۔
نئے نصب شدہ 20 ASE کیمروں کی فہرست
وارڈ 1: روڈرفورڈ روڈ نارتھ، آرچڈیکن ڈرائیو کے شمال میں
وارڈ 2: کونیسٹوگا ڈرائیو، روتھ ایونیو کے جنوب میں
وارڈ 3: کلیرنس اسٹریٹ، جان بیک کریس کے مغرب میں
وارڈ 4: رے لاوسن بولیوارڈ، برکنڈیل کریس کے مغرب میں
وارڈ 5: ڈیویسلم ڈرائیو، پیریٹی روڈ کے مغرب میں
وارڈ 6: کوئین میری ڈرائیو، ایکوریج ڈرائیو کے قریب
وارڈ 7: ایونڈیل بولیوارڈ، الومہ کریس کے مشرق میں
وارڈ 8: کوٹریل بولیوارڈ، ویلی کریک ڈرائیو کے مشرق میں
وارڈ 9: گریٹ لیکس ڈرائیو، بیچسرف روڈ کے شمال میں
وارڈ 10: گارڈن بروک ٹریل، فریڈم اوکس ٹریل کے مشرق میں
اہم خصوصیات اور فوائد
کیمرا تصاویر کی پروسیسنگ کی زیادہ صلاحیت،کیمروں کے آپریشن کے اوقات میں اضافہ،42 نئے مقامی ملازمتیں پیدا کی گئیں.3 ستمبر 2024 تک70 ASE کیمرے فعال کردیئے گئے ہیں.
انتہائی تیز رفتاری کے کیسز بھی ریکارڈ ہوئے:
ہاورڈ اسٹیورٹ روڈ (آئزل رائل ٹیرس کے مشرق میں): ایک ڈرائیور 93 کلومیٹر فی گھنٹہ کی رفتار سے حد سے تجاوز کر رہا تھا۔فائنینشل ڈرائیو (ساؤتھ آف سیکرامنٹو روڈ): ایک گاڑی کی رفتار حد سے 98 کلومیٹر فی گھنٹہ زیادہ تھی۔مین اسٹریٹ ساوتھ (گسٹ اسٹریٹ، ڈاؤن ٹاؤن برامپٹن کے قریب): ایک گاڑی 126 کلومیٹر فی گھنٹہ کی رفتار سے حد سے تجاوز کر رہی تھی۔یہ خطرناک رفتاریں اس بات کی واضح مثال ہیں کہ برامپٹن میں حد سے زیادہ رفتار کی روک تھام کے لیے ASE جیسے پروگراموں کی کتنی ضرورت ہے۔2021 سے 2023 تک، برامپٹن شہر نے روزانہ اوسطاً 81 ٹکٹ جاری کیے، یعنی تقریباً 30,000 ٹکٹ سالانہ۔ اس تین سالہ مدت میں کل جرمانے کی اوسط رقم تقریباً 3.45 ملین ڈالر سالانہ رہی۔
برامپٹن شہر کا روڈ سیفٹی کے لیے عزم
برامپٹن شہر اپنے رہائشیوں کی حفاظت کے لیے فعال طور پر کام کر رہا ہے، ٹریفک سے متعلقہ حادثات کو کم کرنے اور کمیونٹی کے تمام افراد کے لیے ایک محفوظ اور آرام دہ ماحول فراہم کرنے کے لیے مختلف اقدامات کر رہا ہے۔ شہر کی جانب سے متعدد اقدامات کیے گئے ہیں تاکہ ٹریفک کو کنٹرول کیا جا سکے اور سڑک کے تمام صارفین کے لیے حفاظت کو بہتر بنایا جا سکے۔
آٹومیٹڈ اسپیڈ انفورسمنٹ (ASE) پروگرام کے علاوہ، Neighbourhood Speed Pilot Program بھی شامل ہے، جو 2021 اور 2022 میں مقامی رہائشی اور محلہ کی سڑکوں پر جارحانہ ڈرائیونگ اور رفتار سے متعلق تشویشات کے بارے میں 2,400 سے زائد سروس درخواستوں کے جواب میں شروع کیا گیا تھا۔ اس پائلٹ پروگرام کے تحت شہر کے پانچ علاقوں میں رفتار کی حد کو 40 کلومیٹر فی گھنٹہ تک کم کیا گیا ہے۔
شہر نے 187 کمیونٹی سیفٹی زونز بھی نافذ کیے ہیں، جو سڑک کے وہ علاقے ہیں جہاں عوامی حفاظت کو خصوصی تشویش لاحق ہوتی ہے۔ ان زونز کو خاص طور پر اسکولوں، ڈے کیئر سینٹرز، کھیل کے میدانوں، پارکس، اسپتالوں، بزرگ شہریوں کی رہائش گاہوں، اور حادثات سے متعلق علاقوں کے قریب بنایا گیا ہے۔برامپٹن شہر دیگر ٹریفک کنٹرولنگ اقدامات کو بھی نافذ کر رہا ہے، جن میں فلیشنگ 40 سائنز، بچوں کا خیال رکھیں سائنز، پیدل چلنے والوں کے لیے کراس واکس اور اسپیڈ کشنز شامل ہیں۔
میئربرامپٹن،پیٹرک براؤن:
“آٹومیٹڈ اسپیڈ انفورسمنٹ پروسیسنگ سینٹر کا افتتاح برامپٹن کے لیے ایک اہم تبدیلی ہے اور سڑکوں کی حفاظت میں برامپٹن کی قائدانہ حیثیت کو مستحکم کرتا ہے۔ یہ سرمایہ کاری نہ صرف ہماری رفتار کی حدود کے نفاذ کی صلاحیت کو بڑھاتی ہے بلکہ ہمارے رہائشیوں کی حفاظت کے عزم کی بھی عکاسی کرتی ہے۔ ہمیں فخر ہے کہ ہم اونٹاریو میں محفوظ سڑکوں کی تخلیق میں قیادت کر رہے ہیں اور یہ سینٹر ہماری کامیابی کی جانب ایک اہم قدم ہے۔”
روینا سینٹوس، ریجنل کونسلرچیئر قانون سازی برامپٹن:
“برامپٹن جرات مندانہ اقدامات اٹھا رہا ہے تاکہ ہماری سڑکیں تمام صارفین کے لیے محفوظ ہوں۔ اپنی پروسیسنگ کی صلاحیت کو بڑھا کر اور اپنے پروسیسنگ سینٹر کو کھول کر، ہم یقینی بنا رہے ہیں کہ ہماری سڑکیں ہر کسی کے لیے محفوظ رہیں۔ اس اقدام کا اثر پورے کمیونٹی پر پڑے گا کیونکہ ہم تمام سڑک استعمال کرنے والوں کی فلاح و بہبود کو ترجیح دیتے رہیں گے۔”
جیوف ولکنسن، ایگزیکٹو ڈائریکٹر، اونٹاریو ٹریفک کونسل:
“اونٹاریو ٹریفک کونسل برامپٹن شہر کو سڑک کی حفاظت میں بہتری اور کمزور سڑک استعمال کرنے والوں کے تحفظ پر مسلسل توجہ دینے پر مبارکباد پیش کرتا ہے۔ برامپٹن کا نیا پروسیسنگ سینٹر خودکار کیمرہ خلاف ورزیوں کے لیے بلدیاتی ادارے کو کمیونٹی سیفٹی زونز میں رفتار پر قابو پانے میں مزید لچک فراہم کرتا ہے، جس کا اہم مقصد ڈرائیوروں کے رویے میں تبدیلی لانا اور برامپٹن کی سڑکوں کو مزید محفوظ بنانا ہے۔”
کرسٹینا مک ماسٹر، ڈائریکٹر آف آپریشنز کینیڈا، جینوپٹک سمارٹ موبلٹی سولوشنز:
“ہمیں برامپٹن شہر کے ساتھ شراکت داری پر فخر ہے کہ ہم رہائشیوں کے لیے مثبت سڑک حفاظت کے نتائج فراہم کرنے میں مدد کریں۔ جیسے ہی برامپٹن اپنا پروسیسنگ سینٹر دیگر اونٹاریو بلدیات تک پھیلائے گا، ہم اونٹاریو بھر میں سڑکوں کو محفوظ بنانے کے منتظر ہیں۔”
