برلن:دوسری پارلیمانی ووٹنگ کے بعدفریڈرک مرٹس جرمنی کے نئے چانسلر منتخب

برلن(نامہ نگار)فریڈرک مرٹس دوسری پارلیمانی ووٹنگ کے بعد جرمنی کے نئے چانسلر منتخب ہو گئے ہیں۔ 69 سالہ فریڈرک مرٹس پہلی ووٹنگ میں 6 ووٹوں سے ہار گئے تھے، تاہم دوسری مرتبہ وہ 9 ووٹوں سے جیت گئے۔

630 رکنی جرمن پارلیمان خفیہ ووٹنگ سے چانسلر منتخب کرتی ہے۔ کرسچین ڈیموکریٹک پارٹی کا سوشل ڈیموکریٹس سے سیاسی اتحاد ہے، اِسلئے یہ واضح نہیں کہ پہلی بار کس پارٹی کے ارکان نے اُن کے خلاف ووٹ ڈالا۔

دوسری عالمی جنگ کے بعد سے ایسا پہلی بار ہوا ہے کہ کوئی چانسلر پہلی ووٹنگ میں منتخب نہیں ہو سکا۔ تجزیہ کاروں کی رائے میں یہ ایک کمزور جرمن حکومت کی علامت ہے جو کہ امریکی صدر ٹرمپ کی خلل انگیز پالیسیوں کے پیش نظر یورپ کیلئے تشویش کی بات ہو سکتی ہے۔