راولپنڈی: جی ایچ کیو حملہ کیس میں شریں مزاری سمیت مزید 9 ملزمان پر فرد جرم عائد کردی گئی تاہم ملزمان نے صحت جرم سے انکار کردیا۔راولپنڈی کی انسداد دہشتگردی عدالت نے جی ایچ کیو حملہ کیس کی سماعت ہوئی۔
عدالت نے مزید نو ملزمان پر فرد جرم عائد کردی، جن پر فرد جرم عائد کی گئی ہے ان میں شیریں مزاری، راشد حفیظ،منیر، خادم حسین کھوکھر،ذاکراللہ ،عظیم اللہ خان، طاہر صادق، مہر محمد جاوید اور چوہدری آصف شامل ہیں۔
عدالت میں ملزمان نے صحت جرم سے انکار کیا، دوران سماعت اڈیالہ جیل میں بانی پی ٹی آئی کو کمرہ عدالت میں پیش کیا گیا اور شاہ محمود قریشی کو کوٹ لکھپت سے اڈیالہ جیل پیشی کیلئے لایا گیا۔
راسیکیوشن کی جانب سے غیر حاضر ملزمان کی ضمانت منسوخ کرنے کی استدعا کرتے ہوئے کہا گیا کہ غیر حاضر ملزمان جان بوجھ کر ٹرائل میں تاخیر کررہے ہیں۔
یاد رہے جی ایچ کیو حملہ کیس میں مجموعی طور پر اٹھانوے ملزمان پر فرد جرم عائد ہوچکی ہے، کیس میں ملزمان کی تعداد ایک سو انیس ہے۔بعد ازاں راولپنڈی کی انسداد دہشتگردی عدالت نے سماعت انیس دسمبر تک ملتوی کردی۔
