سعودی عرب میں بین الاقوامی آرٹیفیشل انٹیلی جنس کانفرنس کا آغاز ہوگیا جس میں پاکستان سمیت دنیا بھر کی کمپنیوں کی جانب سے سٹالز لگائے گئے ہیں جبکہ ماہرین کی بڑی تعداد بھی نمائش کا حصہ ہے .
سعودی دارالحکومت ریاض کے کنگ عبدالعزیز انٹرنیشنل کانفرنس سینٹر میں منعقدہ آرٹیفیشل انٹیلی جنس کانفرنس میں 450 سے زیادہ بین الاقوامی سپیکرز اور 100 ملکوں سے متعدد مقامی،علاقائی اور بین الاقوامی شخصیات، اقتصادی پالیسی ساز اور اے آئی ماہرین شرکت کررہے ہیں سمٹ میں 25 سے زیادہ مقامی اور عالمی انشیٹیوز کا آغاز اور 70 سے زیادہ معاہدوں پر دستخط کیے جا رہے ہیں کانفرنس میں شریک پاکستانی کمپنیوں کے نمائندوں کا کہنا ہے کہ سعودی عرب سمیت انفارمیشن ٹیکنالوجی کی دنیا میں بڑی تیزی سے ترقی ر رہا ہے اور آرٹیفیشل انٹیلیجنس کے حوالے سے سعودی اقدامات انتہائی اہم ہیں اور اس حوالے سے بین الاقوامی کانفرنس میں ماہرین اور تجربہ کاروں کی روشنی میں دو طرفہ تعلقات سمیت تعاون جو فروغ ملے گا.
چیئرمین آرٹیفیشل انٹیلی جنس پاکستان اورNUSTیونیورسٹی میں پروفیسرڈاکٹریاسرحیات نے خصوصی بات چیت کرتے ہوئے کہاکہ میں آج یہاں سعودی عرب میں موجودہوں تاکہ ہم یہاں پاکستان کی نمائندگی کرسکیں یہ بہت زبردست ایونٹ ہے اوریہاںپاکستان کے علاوہ پوری دنیاسے کمپنیاں شرکت کررہی ہیں ، آرٹیفیشل انٹیلی جنس ایسی ٹیکنالوجی ہے جس میں پوری دنیاسے ڈیٹابائی نیچراوراس کے استعمال پوری دنیامیں اسی طرح ضروری ہے جیسے انٹرنیٹ کی سہولت تمام لوگ تک پہنچائی گئی تھی اسی طرح آرٹیفیشل انٹیلی جنس تک رسائی بھی سب کیلئے ضروری ہے۔
شعیب الرحمان نےکہاکہ میں یہاں پاکستان ایمبسی کے تعاون سے شریک ہوں۔آرٹیفیشل انٹیلی جنس جیسے ایونٹ کے بارے میں کہاکہ ہم نے پوری کوشش کی کہ سعودی گورنمنٹ کوپاکستان میں موجودٹیلنٹ کے بارے میں آگاہ کریں جس کی قابلیت دونوں ممالک کے تعاون سے ایک دوسرے کے ساتھ شیئرکرکے آگے بڑھاجاسکتاہے ۔
