کراچی: پاکستان کی ہوا بازی کی صنعت کیلئےاچھی خبر ہے، سعودی عرب کی ایک اور ایئر لائن پاکستان کیلئےاپنا فلائٹ آپریشن 2 فروری سے شروع کر رہی ہے۔
تفصیلات کے مطابق سعودی عرب کی ایک اور ایئر لائن پاکستان کیلئے فلائٹ آپریشن کا آغاز کرنے جا رہی ہے، پہلی پرواز ریاض سے کراچی پہنچے گی، پروازیں کراچی، ریاض اور جدہ کیلئے آپریٹ کی جائیں گی۔
آڈیل ایئر (Flyadeal) کی پہلی پرواز کراچی پہنچنے پر طیارے کو ایئرپورٹ اتھارٹی کی جانب سے واٹر سلوٹ پیش کیا جائے گا، سی اے اے فلائی أديل کو پاکستان کیلئےفضائی آپریشن کی اجازت پہلے ہی دے چکی ہے۔ایئرلائن ذرائع کے مطابق سعودی عرب کی نئی ایئر لائن کے پاکستان آنے سے مسافروں کو براہ راست سفری سہولت میسر آئے گی۔
