شفقت علی کا وزیرِ بننا — پاکستانی کمیونٹی کیلئے تاریخی لمحہ

کینیڈا کی سیاست میں ایک تاریخی موڑ اُس وقت آیا جب برامپٹن سے منتخب ہونیوالے پاکستانی نژاد ایم پی شفقت علی کو وزیرِ اعظم مارک کینی کی حکومت میں وزیرِ کے طور پر منتخب کیا گیا۔ یہ فیصلہ نہ صرف شفقت علی کی ذاتی صلاحیتوں کا اعتراف ہے بلکہ کینیڈا کی متنوع اور شفاف جمہوری اقدار کی روشن مثال بھی ہے۔

یہ لمحہ ہم تمام پاکستانیوں کے لیے باعثِ فخر ہے، خاص طور پر اُن تارکین وطن کے لیے جو کینیڈا جیسے ترقی یافتہ ملک میں اپنی محنت، دیانت اور لگن سے اپنے وطن کا نام روشن کر رہے ہیں۔

شفقت علی – برامپٹن کا سپوت
شفقت علی نے برامپٹن کی عوام کی خدمت کا عزم لے کر سیاست میں قدم رکھا۔ وہ ہمیشہ کمیونٹی کی فلاح، تعلیم، صحت اور معاشی بہتری جیسے معاملات پر آواز بلند کرتے رہے ہیں۔ ان کا شمار اُن نمائندوں میں ہوتا ہے جو صرف تقریریں نہیں کرتے بلکہ عملی اقدامات سے عوام کا اعتماد جیتتے ہیں۔

وزیرِ اعظم مارک کینی کی نئی قیادت
وزیرِ اعظم مارک کینی نے اپنی کابینہ میں تنوع اور قابلیت کو بنیاد بنایا ہے، اور شفقت علی جیسے باصلاحیت اور عوامی خدمت کے جذبے سے سرشار شخص کو اہم ترین منصب سونپ کر ایک واضح پیغام دیا ہے کہ کینیڈا میں رنگ، نسل یا پس منظر کی کوئی قید نہیں – صرف صلاحیت اور خلوص کو اہمیت دی جاتی ہے۔

پاکستانی کمیونٹی کا ردِ عمل
کینیڈا میں بسنے والی پاکستانی کمیونٹی نے اس فیصلے کو خوش آئند قرار دیا ہے۔ مختلف شہروں، خصوصاً برامپٹن، ٹورنٹو، اور اونٹاریو کے دیگر علاقوں سے تعلق رکھنے والے کمیونٹی ممبران نے مبارک باد کے پیغامات بھیجے اور سوشل میڈیا پر خوشی کا اظہار کیا۔

ایک برامپٹن کے بزرگ نے کہا، “آج ہمارے بیٹے نے وہ کر دکھایا ہے جس کا خواب ہم نے برسوں پہلے دیکھا تھا۔ یہ کامیابی ہر اُس والدین کی کامیابی ہے جو اپنی اولاد کو بہتر مستقبل کے لیے بیرونِ ملک بھیجتے ہیں۔”

نوجوانوں کیلئے پیغام
شفقت علی کی کامیابی پاکستانی نژاد نوجوانوں کے لیے ایک روشن مثال ہے۔ اُنہوں نے یہ ثابت کیا ہے کہ اگر آپ میں محنت، ایمانداری اور خلوص ہے، تو آپ دنیا کے کسی بھی حصے میں کامیابی حاصل کر سکتے ہیں۔

یہ لمحہ اُن نوجوانوں کے لیے حوصلہ افزائی کا ذریعہ ہے جو سیاست، سروس، یا کسی بھی فیلڈ میں اپنا مقام بنانا چاہتے ہیں۔

دعا اور توقعات
ہم سب پاکستانیوں کو چاہیے کہ شفقات علی کے لیے دعاگو رہیں۔ اللہ تعالیٰ انہیں اپنی نئی ذمہ داریوں میں اخلاص، عدل اور دانائی عطا فرمائے۔

شفقت علی کا وزیرِ بننا ایک شخصی کامیابی سے کہیں بڑھ کر ہے۔ یہ کامیابی ہماری کمیونٹی کی مشترکہ جدوجہد، قربانیوں اور عزائم کا نتیجہ ہے۔ یہ ایک تاریخی لمحہ ہے، اور ہمیں چاہیے کہ ہم اس کو محض خوشی کے اظہار تک محدود نہ رکھیں، بلکہ آئندہ نسلوں کے لیے اس کو مثال بنائیں۔