یورپی ملک پرتگال جانے کے خواہشمند افراد جو شینجین ویزا اپلائی کرنا چاہتے ہیں، انھیں اس کیلئے 90 یوروز کی فیس ادا کرنا ہوگی۔ایسے پاکستانی خواتین و حضرات جنھوں نے پرتگال کا ویزا حاصل کرنے کیلئے درخواست جمع کرائے ہے، انھیں سفارتخانے کی جانب سے شینجین ویزا دینے یا نہ دینے کا فیصلہ کرنے کیلئے 15 دنوں کا وقت لیا جائے گا۔
پرتگال ایمبسی نے اپنی ویب سائٹ پر بتایا کہ انفرادی کیس کی صورت میں اگر سفارتخانے کو مزید تفصیلات درکار ہوں تو کسی صارف کو شینجین ویزا جاری کرنے کی مدت 45 دنوں تک بھی جاسکتی ہے۔پرتگال کے شینجین ویزا کی درخواست کیلئےایک فرد کو 90 یورو کی فیس بھی جمع کرانا ہوگی جو درخواست کی پروسیسنگ کی مد میں وصول کیا جائے گا۔
یورپ جانے کے خواہشمند افرد کیلئےیہ بات بھی جاننا ضروری ہے کہ اس وقت پاکستانی روپے کے مقابلے میں ایک یورو کی قیمت 298.2 روپے ہے جبکہ پاکستانی روپوں میں 90 یورو کی فیس تقریباً 26 ہزار 838 روپے بنتے ہیں۔پرتگال کے ویزے کیلئےآخری 6 ماہ کا بینک اسٹیٹمنٹ درکار ہوگا جس میں مناسب فنڈ موجود ہونا ضروری ہے، پرتگال میں ایک دن کا خرچہ تقریباً 75 یورو ہے اس حساب سے 30 دنوں کیلئےصارف کے اکاؤنٹ میں کم از کم 2250 یوروز کے برابر رقم ہونا بھی لازمی ہے۔
