آذربائیجان کے صدر الہام علیوف کا پاکستان میں پرتپاک استقبال کیا گیا۔
پاکستان میں داخل ہوتے ہی آذربائیجان کے صدر کے طیارے کو پاک فضائیہ کے طیاروں نے حفاظتی حصار میں لے لیا اور طیارے کو پاک فضائیہ کے طیارے اسلام آباد تک حفاظتی حصار میں لے کر آئے۔
وزیراعظم شہباز شریف کی دعوت پر آذربائیجان کے صدر پاکستان کے 2 روزہ دورے پر ہیں۔
آذربائیجان کے صدر نے اسلام آباد میں یادگار پاکستان پر حاضری دی اور پھول رکھے، پاک فوج کے دستے نے آذربائیجان کے صدر الہام علیوف کو سلامی دی، اس موقع پر ان کے ہمراہ وزیر داخلہ محسن نقوی بھی موجود تھے۔
اس سے پہلے اسلام آباد آمد پر وزیراعظم شہبازشریف اور وفاقی وزراء نے آذربائیجان کے صدر کا استقبال کیا۔
صدر الہام کے ساتھ وفد میں آئل اینڈ گیس کمپنیوں کے حکام بھی شامل ہیں۔ دونوں ممالک کے مابین متعدد مفاہمتی یادداشتوں پر دستخط کا امکان ہے۔
