ایڈمنٹن(نامہ نگار)البرٹا میڈیکل ایسوسی ایشن (AMA) کی پہلی ’’رپورٹ کارڈ آن دی اسٹیٹ آف ہیلتھ کیئر اِن البرٹا‘‘ سے ظاہر ہوا کہ ایمرجنسی روم (ER) کے 60 فیصد حالیہ مریضوں نے اپنے تجربے کو ناقص قرار دیا، ہر پانچ میں سے ایک شہری کے پاس فیملی ڈاکٹر نہیں ہےاور صرف 54 فیصد مریض بروقت ملاقات حاصل کر پاتے ہیں۔ مزید اعدادو شمار کے مطابق 84 فیصد افراد ER کے انتظار کو “کافی” یا “انتہائی” طویل سمجھتے ہیں، جن میں 15 فیصد نے چھ گھنٹے سے زیادہ کا انتظار بتایاجبکہ 71 فیصد کا خیال ہے کہ گزشتہ چار برسوں میں صورتِ حال بدتر ہوئی ہے۔
AMA کی نئی رپورٹ کے مطابق، پچھلے سال ER جانے والے تقریباً 60 فیصد البرٹنز نے اپنے طبی تجربے کو ناقص قرار دیا، اور 20 فیصد سے زائد افراد فیملی ڈاکٹر سے محروم ہیں .
ایسے مریض جن کے پاس فیملی ڈاکٹر موجود ہےاُن میں سے صرف 54 فیصد کا کہنا ہے کہ انہیں عموماً وقتِ ضرورت اپائنٹمنٹ مل جاتی ہے ۔
اضافی سروے ڈیٹا سے معلوم ہوا کہ 84 فیصد شہری ER کے انتظار کو “کافی” یا “انتہائی” طویل سمجھتے ہیں؛ 15 فیصد نے چھ گھنٹے سے زیادہ انتظار کا سامنا کیا، اور 71 فیصد نے پچھلے چار برس میں مزید خرابی محسوس کی ۔
ڈاکٹر شَیلی ڈَگن، صدر AMA، نے آبادی کے بڑھتے دباؤ کو فوری طور پر حل کرنے کی ضرورت پر زور دیتے ہوئے کہا“ہمیں سب سے پہلے آبادی کے پھیلاؤ کو سنبھالنا ہوگا” ۔
AMA کے ایمرجنسی میڈیسن سیکشن کے صدر، ڈاکٹر پال پارکس، نے موجودہ حالات کو “انتہائی دِل سُرد کُن” قرار دیتے ہوئے عملے کی تھکن اور روانگی کو بڑی وجہ بتایا، جبکہ نرسز سمیت دیگر عملہ بھی دباؤ کے باعث شعبہ چھوڑ رہا ہے۔
صوبائی وزارتِ صحت نے AMA کے 1100شرکاء پر مبنی سروے کو غیر نمائندہ قرار دیتے ہوئے بتایا کہ مارچ 2025 تک البرٹا میں رجسٹرڈ ڈاکٹروں کی تعداد 12123ہو چکی ہے، جو گزشتہ سال کے مقابلے میں 491 کا اضافہ ہے اور اس میں 317 نئے فیملی ڈاکٹر شامل ہیں ۔ تاہم AMA کا کہنا ہے کہ موجودہ طلب پوری کرنے کیلئے اب بھی سیکڑوں اضافی ڈاکٹروں کی ضرورت ہے اور ڈاکٹروں کی آمد و رفت سے متعلق تفصیلی اعداد و شمار اگلے سال جاری کیے جائیں گے۔
رپورٹ کے نتائج نے البرٹا کے صحت نظام میں رسائی اور انتظار کے شدید مسائل کو نمایاں کر دیا ہےاور ڈاکٹروں کی نمائندہ تنظیم نے حکومت پر زور دیا ہے کہ وہ آبادی کے تقاضوں کے مطابق فوری اقدامات کرے۔
