لاہور قلندرز ماحولیاتی تحفظ کیلۓ حکومت پنجاب کے ہمقدم

لاہور (بیورو رپورٹ) ماحولیاتی تحفظ کیلئے ایک مؤثر اقدام کے طور پر، لاہور قلندرز نے 30 اپریل کو قذافی سٹیڈیم میں کھیلے گئے میچ کے دوران خصوصی طور پر تیار کردہ پٹیاں باندھیں ۔ اس میچ کا مقصد صاف اور سرسبز مستقبل کے لیے شعور اجاگر کرنا تھا۔ یہ اقدام پنجاب کے ماحولیاتی تحفظ کے محکمہ کے تعاون سے انجام دیا گیا، جس میں ایک خصوصی حلف برداری کی تقریب بھی شامل تھی۔

اس تقریب کی قیادت سینئر وزیرِ حکومت پنجاب، مریم اورنگزیب نے کی۔ انہوں نے اس موقع پر حاضرین سے خطاب کرتے ہوئے اجتماعی ماحولیاتی ذمہ داری کی فوری ضرورت پر زور دیا۔ ان کی موجودگی حکومت کی ماحولیاتی تحفظ، فضائی معیار کی بہتری، آلودگی کے کنٹرول، اور موسمیاتی تبدیلی کے خلاف بیداری کی مہم میں فعال شمولیت کی علامت تھی۔ ہر کھلاڑی نے ایک پٹی پہنی جس پر درج تھے بیداری اور تحفظ کے پیغامات، جیسے:
Air. Alive. Aware،
End Pollution. Begin Solutions،
Clean Bowling Pollution،
Clean Airing the Future،
اور For the Freedom of Fresh Air۔
یہ علامتی اقدام لاہور قلندرز کے اس گہرے عقیدے کا مظہر تھا کہ “آج سرسبز، کل اور زیادہ سرسبز” محض ایک نعرہ نہیں بلکہ ہم سب کی اجتماعی ذمہ داری ہے۔ لاہور قلندرز کے سی ای او رانا عاطف نے کہا
“ہماری یہ ذمہ داری ہے کہ ہم اپنے پلیٹ فارم کو مثبت تبدیلی کیلئےاستعمال کریں۔ ہم سمجھتے ہیں کہ صاف شہر ہی روشن مستقبل کی بنیاد ہیں، اور اس علامتی عمل کے ذریعے ہم سب کو ماحول کے تحفظ کیلئے متحرک کرنا چاہتے ہیں۔”

ماحولیاتی تحفظ کے محکمے کی بھرپور حمایت سے یہ مہم اس بات کی عملی مثال بنی کہ کرکٹ جیسے مقبول کھیل کو سماجی بھلائی کیلئےایک مؤثر قوت کے طور پر کیسے استعمال کیا جا سکتا ہے۔ قلندرز کا پیغام واضح اور فوری تھا:
اب وقت ہے کہ موسمیاتی تبدیلی کو کلین بولڈ کیا جائے اور “پولوشن کو سکس مارا جائے”۔ میچ سے قبل شائقین نے سٹیڈیم میں اکٹھے ہو کر ماحولیاتی تحفظ کیلئےایک اجتماعی حلف اٹھایا اور پاکستان کو صاف، صحت مند اور پائیدار بنانے کے عزم کا اظہار کیا۔