کراچی: لبنان میں پھنسے پاکستانیوں کے انخلا کیلئے اہم فیصلہ کرلیا گیا، شہریوں کو لانےکیلئے خصوصی پرواز بھیجنے کا فیصلہ کیا گیا ہے۔ ذرائع سی اےاے نے بتایا کہ لبنان سے پاکستانیوں کے انخلا کیلئے خصوصی پرواز کی اجازت دیدی، ڈائریکٹر جنرل سول ایوی ایشن اتھارٹی نے خصوصی پرواز کی اجازت دی، غیرملکی ایئرلائن شام ونگز پاکستانیوں کو وطن واپس لائےگی۔
سول ایوی ایشن اتھارٹی کی جانب سے تصدیق کی گئی کہ شام ونگز کو ایک خصوصی پرواز کی اجازت دے دی گئی ہے۔ایئربس 320 طیارے سے 180 پاکستانیوں کو لبنان سے پاکستان پہنچایا جائےگا، آئندہ 48 گھنٹے کے دوران غیرملکی ایئرلائن پاکستانیوں کو لبنان سے وطن لائےگی۔ذرائع نے مزید بتایا کہ ڈی جی سول ایوی ایشن اتھارٹی نے لبنان میں تعینات سفیر کو پرواز کی اجازت سے متعلق آگاہ کردیا ہے۔
