چین نے ماؤنٹ ایورسٹ پر پہلی بار ڈرون کے ذریعے اشیاء کی ڈلیوری کے ٹیسٹ میں کامیابی حاصل کرلی ہے، ڈرون ڈیلیوری سے اونچائی پر چڑھنے، ریسکیو آپریشنز اور ماحولیاتی تحفظ میں نمایاں پیش رفت ہوئی ہے۔
ڈی جے آئی فلائے کارٹ 30 کا استعمال کرتے ہوئے، ٹیسٹوں میں بیس کیمپ سے کیمپ 1 تک آکسیجن کی بوتلوں اور دیگر سامان کی منتقلی شامل تھی۔
ڈرون نے صرف 12 منٹ میں 15 کلوگرام سامان لے کر 6,191.8 میٹر کی متاثر کن اونچائی تک پہنچایا۔ یہ کامیابی ڈرون کی لاجسٹکس میں انقلاب لانے، حفاظت کو بہتر بنانے اور ماؤنٹ ایورسٹ پر صفائی کی کوششوں میں مدد کے امکانات کو اجاگر کرتی ہے۔
ایک نیپالی کمپنی 22 مئی سے ماؤنٹ ایورسٹ پر باقاعدہ ڈرون آپریشن شروع کرنے کا ارادہ رکھتی ہے، مستقبل میں ڈرون کے استعمال کو ماؤنٹ اما دبلم تک بڑھانے کا منصوبہ ہے۔ توقع کی جاتی ہے کہ ان اقدامات سے اونچائی پر چلنے والی مہمات کی کارکردگی اور حفاظت میں نمایاں اضافہ ہوگا، کوہ پیماؤں کے لیے اہم مدد فراہم کی جائے گی اور ماحولیاتی تحفظ کی کوششوں میں حصہ لیا جائے گا۔
