وادی ہنزہ کے ہوٹل غیر ملکی سیاحوں کیلئے خطرناک قرار،نوٹی فکیشن جاری

گلگت(نامہ نگار)گلگت بلتستان کی خوبصورت وادی ہنزہ کے 342 ہوٹلز کو غیر ملکی سیاحوں کیلئے خطرناک قرار دے دیا گیا، جس کا نوٹی فکیشن بھی جاری کردیا گیا ہے۔

میڈیاکے مطابق ڈپٹی کمشنر ہنزہ کی جانب سے جاری کردہ نوٹیفکیشن کے مطابق نیکٹا ہدایات پر ہونے والی سیکیورٹی آڈٹ میں 204 ہوٹلز کو انتہائی خطرناک جب کہ 138 ہوٹلز کو درمیانی درجے کا خطرناک قراردیا گیا ہے۔

نوٹی فکیشن میں مزید کہا گیا کہ 45 ہوٹلز لو رسک ہیں جن میں غیر ملکی سیاح رہائش اختیار کرسکتے ہیں جب کہ خلاف ورزی کرنے والے ہوٹلز مالکان کے خلاف سخت کارروائی کے ساتھ ہوٹل سیل کردیا جائیگا۔

اسلام آباد میں غیر ملکی میڈیا کو انٹریو کے دوران وزیر دفاع نے کہا تھا کہ مقبوضہ کشمیر میں 26 سیاحوں کی ہلاکت بعد پڑوسی ملک بھارت کی طرف سے حملے کا خطرہ موجود ہے جس کیلئےفوج کی قوت مزید بڑھادی گئی ہے۔

ان کا کہنا تھا کہ اس صورت حال میں کچھ اسٹریٹجک فیصلےفیصلے کرلئے گئے ہیں جب کہ پاکستان ہائی الرٹ پر ہے اور ہم اس صورت میں جوہری ہتھیار استعمال کرسکتے ہیں جب ہمارے وجود کو براہ راست کوئی خطرہ ہو۔