کولمبو(سپورٹس ڈیسک)آئی سی سی ٹی ٹوئنٹی ورلڈ کپ 2026 کے 19ویں میچ میں بڑا اپ سیٹ دیکھنے میں آیا، جہاں زمبابوے قومی کرکٹ ٹیم نے آسٹریلیا قومی کرکٹ ٹیم کو 23 رنز سے شکست دے دی۔
گروپ بی کے اس میچ میں آسٹریلیا نے ٹاس جیت کر پہلے فیلڈنگ کا فیصلہ کیا۔ زمبابوے نے مقررہ 20 اوورز میں 2 وکٹوں کے نقصان پر 169 رنز بنائے اور حریف ٹیم کو جیت کے لیے 170 رنز کا ہدف دیا۔
ہدف کے تعاقب میں آسٹریلوی بیٹنگ لائن دباؤ کا شکار رہی اور پوری ٹیم 19.3 اوورز میں 146 رنز بنا کر آؤٹ ہو گئی۔ آسٹریلیا کے میٹ رنشا نے 65 اور گلین میکسویل نے 31 رنز اسکور کیے، تاہم دیگر بیٹرز خاطر خواہ کارکردگی نہ دکھا سکے اور 8 کھلاڑی ڈبل فیگر میں بھی داخل نہ ہو سکے۔
زمبابوے کی جانب سے مزربانی نے 4 جبکہ بریڈ ایوان نے 3 وکٹیں حاصل کر کے فتح میں کلیدی کردار ادا کیا۔واضح رہے کہ دونوں ٹیموں کا ایونٹ میں یہ دوسرا میچ تھا۔ اس سے قبل زمبابوے نے عمان جبکہ آسٹریلیا نے آئرلینڈ کو شکست دی تھی۔
