پنجابی فورم کینیڈا تے جگت پنجابی سبھا نےورلڈ پنجابی کانفرنس تے کینیڈین پنجابی وومین فیسٹیول دااعلان کردتا

برامپٹن(اشرف خان لودھی سے) پنجابی فورم کینیڈا تے جگت پنجابی سبھا نے اپنی پریس کانفرنس وچ ورلڈ پنجابی کانفرنس تے کینیڈین پنجابی وومین فیسٹیول دے انعقاد دا اعلان کیتا۔ ورلڈ پنجابی کانفرنس ستائی، اٹھائی تے انتی تریخ جون نوں سینچری گارڈنز، برامپٹن وچ منعقد ہو رہی اے۔ ایہ تین روزہ کانفرنس وچ بھارتی پنجاب، پاکستانی پنجاب تے دنیا بھر توں پنجابی سوجھوان، لکھاری تے فنکار حصہ لین گے۔

ایہ ورلڈ پنجابی کانفرنس دا گیارھواں ایڈیشن ہووے گا۔ ورلڈ پنجابی کانفرنس دے چیئرمین عجائب سنگھ چٹھہ نے جی ٹی اے وچ وسدے سارے پنجابی لوکاں نوں کانفرنس وچ شرکت دی دعوت دِتّی۔ اوہناں دسے کہ کانفرنس وچ داخلہ مکمل طور تے مفت ہووے گا تے شرکت کرن والے لوکاں لئی دوپہر تے شام دا کھانا وی مفت مہیا کیتا جاوے گا۔

کانفرنس وچ کئی موضوعاتی سیشنز ہون گے، جنہاں دی تفصیل اگلے دنہاں وچ جاری کیتی جاوے گی۔ عجائب سنگھ چٹھہ دے نال پنجابی فورم کینیڈا دے ڈائریکٹر طاہر اسلم گورا وی شانہ بشانہ کم کر رہے نیں۔

ایس موقعے تے کینیڈین پنجابی وومین فیسٹیول دا وی اعلان کیتا گیا جو بائی جون 2025 نوں برامپٹن وچ منعقد ہووے گا۔ ایس فیسٹیول وچ پنجابی خواتین پارلیمینٹیرینز، آرٹسٹاں، فلم میکرز تے سماجی لیڈرز شرکت کرن گی۔
فیسٹیول وچ مرداں تے بچیاں نوں وی خوش آمدید آکھیا گیا اے۔ فیسٹیول دی نگرانی حلیمہ سعدیہ، ڈاکٹر رمنی بترا تے بلوندر چٹھہ کرن گی۔

پریس کانفرنس توں بعد کوی دربار دا اہتمام وی کیتا گیا، جس وچ اشرف خان لودھی، رانا سہیل، راجیش بھاٹیا، تھیارا سنگھ، عرفان ملک، بشارت ریحان، نصراللہ بابر، ظفر شاہ، سنتوخ سنگھ، سوجان سنگھ، سریندر سنگھ تے سیرا سنگھ نے اپنا کلام سنایا۔

ایس محفل دے مہمانِ خصوصی سکھویندر سنگھ تے چیمہ صاحب سن۔

ایہ کانفرنس تے فیسٹیول پنجابی ثقافت، ادب تے یکجہتی دے رنگ نوں اجاگر کرن گے۔ سارے پنجابی بھائی چارے نوں ایس تاریخی موقعے دا حصہ بنن دی دعوت اے۔

عرفان ملک باباہوراں گل بات وچ کیاکہ اسی پنجابیاں نے قربانیاں دیتیانیں اسی پنجابیاں نے اک دوجے دے گلے وڈے نے دس دیوں میں نوپورے انڈیاوچ کتے کوئی بندہ ماریاہوئے اسی پنجابیاں نے ماریااے اک دوجے نوں ۔اسی اک دوجے دے کاروڑے اں اسی پنجابیاں نے اک دوجے دیاں کڑیاں چکیاں اسی بے حرمتیاں کیتیاں ۔

پاویں لینداپنجاب ہوئے تے پاویں چڑھداپنجاب اسی مذہب دی کوئی تفریق نیں رکھی ادی سانوں معافی منگنی پائے گی آج نہ مانگی کل منگیے۔میرے داداہیڈماسٹرسن امرتسردے وچ اوپہلے ہی لاہوروچ سیٹ ہوگئے سن تے میں بڑے فخرنال اے گل کیناں ہوناواں بلکہ پیلی واری کین لگاواں کہ میرے دادے ہوراں اپنے دس باراں سکھ سٹوڈنٹس تے اوناں دیاں خاندانوں نوں بحفاظت امرتسرپہنچایاسی پاکستان بنن توبعد۔تے میں بحیثیت پنجابی تے باقی سارے مسلم پنجابیاں ولوں تہاڈے کولوں کیتیاں زیادتیاں دی معافی مانگناواں۔

ایس موقع تے حلیمہ سعدیہ ہوراصوفی بلھےشاہ داکلام پڑیا
تسی اچے تہاڈی ذات وی اچی
تسی وچ اچ دے رہندے
اسی قصوری ساڈی ذات قصوری
اسی وچ قصوردے رہندے

پنجابی فورم کینیڈا دے ڈائریکٹر طاہر اسلم گورا نے ایس ویلےاک نظم سنائی۔
جسّے نوں کِنّی لوڑ اے؟
میں نظم کھول لئی اے۔
رتھور صاحب، تُسیں ہمیشہ اکھاں کھول کے رکھو۔
تُہاڈی ایہہ بہت وڈی پرانی نظم اے۔

جے جسّے نوں سب کُجھ مل جاوے،
اوہدی خواہش فیر وی کُجھ ہور ہوندی اے۔
جے جسّے نوں سب کُجھ مل جاوے،
اوہدی خواہش فیر وی کُجھ ہور ہوندی اے۔
ایہہ خواہش کیویں پوری کریے؟
جسّا کدے دسدا نئیں۔

واہ، واہ، واہ۔
ایہہ تے بہُت چھوٹی نظم سی۔
ہُن میں ہور وی پڑھاں گا۔

میرے کول دس سطراں نیں، تُسیں وی پڑھ سکدے او۔
کدی ٹٹنا تے کدی جُڑنا، ایہہ بہُت ضروری اے۔

کدی ٹُٹنا تے کدی جُڑنا، ایہہ بہُت ضروری اے۔
جُڑن دا راز، ٹُٹنے وچ چھپیا ہویا اے۔
جُڑن دا راز، ٹُٹنے وچ چھپیا ہویا اے۔

تے ٹُٹنے لئی جُڑیا ہونا وی ضروری اے۔
تے ٹُٹنے لئی جُڑیا ہونا وی ضروری اے۔
ٹُٹنا تے جُڑنا، چھپن چھپائی ورگا اے۔

ٹُٹنا تے جُڑنا، چھپن چھپائی ورگا اے۔
ایس چھپن چھپائی دے کھیل وچ،
بندہ مٹی دا پُتلا بن جاندا اے۔
ایس چھپن چھپائی دے کھیل وچ،
بندہ مٹی دا پُتلا بن جاندا اے۔

تے ایس جُڑن تے ٹُٹن دے کھیل وچ،
بندہ ٹُٹ جاندا اے۔
تے بندہ مٹی دا پُتلا بن جاندا اے۔

پنجابی زبان دی زوال تے اس دی اہمیت اُتے اشرف خان لود ھی ہوراں وی اپناحصہ پایا۔میرا ناں اشرف خان لودھی اے، تے میں طاہر اسلم گورا داپرانا کولیگ آں۔ اسی پاکستان وچ کافی عرصہ کٹھے کم کیتا اے۔ ساڈی ہمیشہ ایہہ گل ہوندی اے کہ ساڈے پنجاب، جیہڑا 65 فیصد پنجابی بولن والا صوبہ اے، اوہتھے پنجابی زبان نوں زوال آ چکا اے۔

پہلے پنجاب وچ زیادہ تر لوک پنجابی بولدے سن، پَر ہُن اس علاقے وچ زیادہ تر بچے پنجابی نئیں بولدے، اُوہ اردو بولدے نیں۔ انہاں دے گھراں وچ 98 فیصد بچے پنجابی دی بجائے اردو نوں اپنی زبان سمجھن لگےنے تےبولدے نے۔ ایہہ مسئلہ ساڈے لئے بڑا سنگین بن چکا اے، تے اسی بہت محنت کر رہے آں کہ اپنے بچوں نوں پنجابی سکھائیے تاکہ ساڈی زبان دا تحفظ ہو سکے۔ اَے کوئی گَل نئی اے کہ اردو نوں قومی زبان دا درجہ دِتا گیا اے، پر ایہہ کوئی وجہ نئیں ہونی چاہی دی کہ اسی اپنی مادری زبان نوں بھلاواں۔

حال ہی وچ اس گلاں کرریے ساں. میں پنجاب اسمبلی دے اسپیکر حنیف رامے نال ملاقات کیتی۔ انہاں نے دو کتاباں لکھییاں نے: اک “پنجاب کیس” اُتے تے دوسری کسے ہور موضوع اُتے۔ میں انہاں نوں اک سوال کیتا: “تُسیں دو کتاباں لکھییاں نے، پر تُہاڈی زبان کِتھے گئی؟”ایہہ سوال میں نے اس لئے کیتا کیوں کہ پنجاب اسمبلی وچ اک ممبر نے پنجابی وچ اذان دِتی، تے اوہنوں پوائنٹ آف آرڈر تےکڈدتاگیاتے اوہنوں اذان مکمل کرن دی اجازت وی نہیں ملی۔

فیر میں حنیف رامے صاحب نوں آکھیا کہ جے تُسیں پنجابی اُتے کتاب لکھ رہے ہو، تے تُسیں پنجابی وچ گل کیوں نہیں کر رہے؟ انہاں نے مینوں اردو وچ جواب دِتا۔ایہہ واقعہ مینوں بہت سوچن تے مجبور کر گیا۔ اسی اینے سالاں توں اردو نوں اپنی زبان سمجھے آں، کہ ہُن پنجابی بولن تے شرمندگی محسوس ہوندی اے۔ اسی اپنے بچوں نوں پنجابی بولن دی اُمید تے دُعا کردے آں، پر خود اسی اوہنوں اپنی زبان بارے آگاہ نہیں کر پائے۔

ساڈے لئی ایہہ بہت ضروری اے کہ اسی اپنے بچوں نوں پنجابی سکھائیے، کیونکہ ایہہ ساڈی اصل شناخت اے۔ ساڈے سب توں وڈے دکھ تے افسوس ایہہ اے کہ اسی اتنا دور جا چکے آں کہ ہُن نہ صرف اسی بلکہ ساڈے بچے وی اردو نوں اپنی زبان سمجھن لگے نیں۔ ایہہ ساڈے لئی بڑی شرمندگی دی گل اے۔

پاکستان دے ہور حصے، خاص طور تے پنجاب توں باہر، پنجابیوں دے خلاف جیہڑی ذہنیت بن چکی اے، اوہ وی ساڈے لئی اک وڈا چیلنج اے۔ پر اسی اپنے بچوں دے ذریعے پنجابی نوں ترویج دینا ضروری سمجھدے آں تاکہ ساڈی زبان نہ صرف زندہ رہ سکے، بلکہ اوہنوں عزت تے فخر دے نال بولیا جاوے۔