پوجا ہیگڑے کاتامل فلم کیلئےمسترد کیے جانےکاانکشاف

ممبئی(شوبزڈیسک)بھارتی اداکارہ پوجا ہیگڑے نے حال ہی میں تامل فلم کیلئےمسترد کیے جانے کا انکشاف کیا ہے۔بھارتی میڈیا رپورٹ کے مطابق 34 سالہ اداکارہ ایک دہائی سے زیادہ عرصے سے شوبز انڈسٹری سے وابستہ ہیں، انہوں نے سلمان خان، پربھاس اور شاہد کپور جیسے بڑے ناموں کے ساتھ کام کررکھا ہے۔

اداکارہ نے سلمان خان کے ساتھ کسی کا بھائی کسی کی جان، پربھاس کے ساتھ رادھے شیام، شاہد کپور کے ساتھ دیوا، اکشے کمار کے ساتھ ہاؤس فلم 4 اور ریتھک روشن کے ساتھ فلم موہن جو دڑو میں کام کر رکھا ہے۔بھارتی میڈیا رپورٹس کے مطابق اتنے بڑے اسٹارز کے ساتھ کام کرنے والی اداکارہ اگر یہ کہے کہ وہ اب بھی آڈیشن دیتی ہے لوگ تو حیران ہی ہوں گے۔

انہوں نے حالیہ انٹرویو میں انکشاف کیا کہ ایک تامل فلم کیلئےآڈیشن دیا تھا، انہوں نے مجھے ریجیکٹ کردیا. اُن کا کہنا تھا میں کردار کے لحاظ سے زیادہ جوان ہوں. پھر انہوں نے کسی بڑی عمر کی اداکارہ کا انتخاب کرلیا۔پوجا ہیگڑے نے آڈیشن دینے کے عمل کی حمایت کی اور کہا کہ اس طرح اداکار خود کو چیلنج کرتا ہے، اس سے گھبرانا نہیں چاہیے مجھے حال ہی میں ایک آڈیشن میں مسترد کردیا گیا۔

اُن کا کہنا تھا کہ میں اُس فلم کو ترجیح دیتی ہوں جس کے آڈیشن کیلئے مجھے بلایا جائے تاکہ پرکھا جاسکے کہ میں اس کردار کیلئے صحیح ہوں یا نہیں، یہی وہ عمل جس سے آپ کسی کو کردار سے متعلق قائل کرسکتی ہیں۔اداکارہ نے مزید کہا کہ اس عمل کے دوران آپ اپنی انا کو آگے مت لائیں، بہت سے لوگ ہیں، جنہیں آڈیشن کیلئے بھی نہیں بلایا جاتا ہے، اسے آپ موقع کے طور پر لیں۔