25 سال بعد نوکیا فونز کی زبردست واپسی، کلاسک Nokia 3210 جو اپنی پائیداری اور سادگی کے لیے مشہور ہے، نے اپنی 25ویں سالگرہ منانے کے لیے واپسی کی ہے۔
نوکیا فون بنانے والی کمپنی HMD نے اس پیارے فون کو واپس لانے کا فیصلہ کیا کیونکہ بہت سے لوگ چاہتے ہیں کہ آسان ڈیوائسز ٹیکنالوجی سے وقفہ لیں۔ نئے Nokia 3210 میں اب ایک بہتر کیمرہ ہے، 4G کالز کو سپورٹ کرتا ہے، اور اب بھی مشہور گیم Snake ہے۔ آپ اسے 26,525 میں خرید سکتے ہیں۔
لارس سلبرباؤر، ایچ ایم ڈی کے چیف مارکیٹنگ آفیسر نے کہا، “نوکیا 3210 واپس آ گیا ہے کیونکہ لوگ اپنے فون کم استعمال کرنا چاہتے ہیں اور زندگی سے زیادہ لطف اندوز ہونا چاہتے ہیں۔ یہ ایک سادہ فون ہے جو آپ کو اہم چیزوں پر توجہ مرکوز کرنے میں مدد کرتا ہے۔”
بین ووڈ، جو فونز کے بارے میں بہت کچھ جانتا ہے، سوچتا ہے کہ نوکیا 3210 کو واپس لانا ایک بہترین آئیڈیا ہے۔ انہوں نے کہا، “اصل نوکیا 3210 بہت سے لوگوں کو پسند تھا کیونکہ یہ استعمال کرنا بہت آسان تھا۔ اسے اب واپس لانا ایک زبردست اقدام ہے کیونکہ اس کا لوگوں کے دلوں میں ایک خاص مقام ہے۔
دوسری جانب اگر ٹیکنالوجی کی بات کی جائے تو آرٹیفیشل انٹیلیجنس (اے آئی) آج کل تیزی سے نئی دنیا میں اپنی جگہ بنارہی ہے، یوٹیوب کے بعد میٹا (فیس بک، انسٹاگرام، واٹس ایپ) نے بھی اپنی ایپس میں اے آئی ٹیکنالوجی لانچ کردی ہے۔
سوشل میڈیا کمپنی میٹا نے اپنے تینوں پلیٹ فارمز واٹس ایپ، انسٹاگرام اور فیس بک صارفین کیلئے آرٹیفشل انٹیلیجنس (اے آئی) چیٹ بوٹ لانچ کردیا ہے، اے آئی کی سہولیات اب عام پاکستانی کی پہنچ میں بھی ہیں۔
میٹا کمپنی نے لانچ کیے جانے والے نئے اے آئی بوٹ کا نام “میٹا اے آئی” رکھا ہے، ابتدائی طور پر یہ سہولیات پاکستان، آسٹریلیا، گھانا، کینیڈا، ملاوی، جمیکا، نیوزی لینڈ، نائجیریا، جنوبی افریقہ، سنگاپور، یوگنڈا، زمبابوے اور زمبیا میں صارفین کیلئے متعارف کروایا ہے۔
گذشتہ برس کمپنی کی جانب سے میٹا اے آئی بنانا کے اعلان سامنے آیا تھا اور مارک زکربرگ نے بھی اس بارے بتایا تھا کہ یہ میٹا اے آئی آپ لوگوں کی تفریح کیلئے ہے، اس کا کام صرف آپ لوگوں کا جواب دینا نہیں ہوگا۔
میٹا اے آئی‘ فیس بُک، انسٹاگرام اور واٹس ایپ کے سرچ بار میں موجود ہے اور یہاں جا کر صارفین اس چیٹ بوٹ سے سوالات کر سکتے ہیں اور دنیا کی کسی بھی چیز کے بارے انفارمیشن حاصل کرسکتے ہیں۔
کمپنی کا کہنا ہے کہ اے آئی بوٹ لانچ کرنے کا مقصد یہ ہے کہ صارفین کو کسی سوال کا جواب دھونڈنے کیلئے کسی دوسری سوشل میڈیا ایپ پر نہ جانا پڑے اور ایک ہی جگہ پر تمام معاملات حل ہوجائیں۔
میٹا اے آئی کا ’امیجن فیچر‘ کیا ہے؟
فیس بُک، واٹس ایپ اور انسٹاگرام صارفین ’میٹا اے آئی‘ کے امیجن فیچر کا استعمال کرتے ہوئے اس چیٹ بوٹ کو تفصیلات فراہم کرکے اپنی مرضی کی تصاویر بھی اب بنوا سکتے ہیں۔
میٹا کے مطابق یہ اے آئی بوٹ آپ کے دماغی خیالات کو بھی تصویر کی شکل دینے کی صلاحیت رکھتا ہے، اور انیمیشنز بھی بناسکتا ہے۔
واشنگٹن پوسٹ کے مطابق ’میٹا اے آئی‘ کے چیٹ بوٹ کو فیس بُک اور انسٹاگرام کے سرچ بار سے نہیں ہٹایا جاسکتا اور کمپنی کی جانب سے اس بات کی تصدیق بھی کی گئی ہے۔
میٹا کی جانب سے لانچ کیا گیا اے آئی بوٹ آپ کا دوست تو بن سکتا ہے لیکن اس پر مکمل انحصار کرنا اچھا فیصلہ نہیں ہوگا، ہم اس سے کچھ بھی پوچھ سکتے ہیں لیکن ضروری نہیں کہ میٹا اے آئی کی جانب سے موصول ہونے والا جواب سچ یا حقیقت ہو۔
بہتر یہی ہے کہ اس کا استعمال آپ ویسے ہیں کریں جیسے گوگل کے سرچ انجن کا کرتے ہیں اور تنہائی دور کرنے کے لیے اس سے باتیں کریں۔
