وزیر داخلہ اور پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ چیمپئنز ٹرافی کیلئے بھارت سے آنے والے تماشائیوں کیلئے خصوصی انتظامات کر رہے ہیں۔محسن نقوی نے امریکا سے آئے سکھ یاتریوں کو چیمپئنز ٹرافی کے میچز دیکھنے کی دعوت دے دی۔
لاہور میں امریکا سے آئے ہوئے سکھ یاتریوں سے وفاقی وزیر داخلہ و چیئرمین پی سی بی محسن نقوی نے ملاقات کی۔ اس موقع پر انہوں نے سکھ یاتریوں سے کہا کہ سو بسم اللّٰہ آپ پاکستان کرکٹ میچز دیکھنے آئیں اور چیمپئنز ٹرافی کے لیے آئیں۔
انکا کہنا تھا کہ پاک بھارت میچ دیکھیں، اس کیلئےہم خصوصی کوٹہ رکھ رہے ہیں کیونکہ بھارت سے بھی بہت سے لوگوں نے میچز دیکھنے آنا ہے۔وفاقی وزیر داخلہ و چیئرمین پی سی بی نے کہا کہ چیمپئنز ٹرافی کیلئےخصوصی انتظامات کر رہے ہیں۔
