ناقص کارکردگی کا مظاہرہ کرنے والی قومی ٹیم ٹی ٹوینٹی ورلڈکپ کی دوڑ سے باہر ،آئرلینڈ اور امریکا کے میچ میں بارش نے امریکا کوسپر ایٹ میں جگہ دے دی،تاہم اب یہ سوال اٹھایاجارہا ہے کہ کیا پاکستان کو آئندہ ورلڈکپ میں کوالیفائنگ رائونڈ کھیلے گا۔
آئی سی سی کا اگلا ٹی ٹوئنٹی ورلڈکپ 2026 میں سری لنکا اور بھارت میں ہونا ہے جس میں مجموعی طور پر 20 ٹیمیں ہی شریک ہوگی۔یہ بات سچ ہے کہ 2026 کے ٹی ٹوئنٹی ورلڈکپ میں 2024 کے ایونٹ کی سپر 8 مرحلے میں پہنچنے والی ٹیمیں بھی براہ راست کوالیفائی کریں گی ۔
اس حوالے سے یہ باتیں کرنا کسی بھی حد تک درست نہیں کہ پاکستان رواں ورلڈکپ میں سپر 8 میں نہیں پہنچا تو اب اسے کوالیفائنگ راؤنڈ کھیلنا ہوگا لیکن حقیقت اس سے کافی مختلف ہے جسے سمجھنا بہت ضروری ہے۔
ٹی ٹوئنٹی ورلڈکپ 2026 میں مجموعی طور پر 12 ٹیمیں( 8 گزشتہ ایونٹ کی ٹاپ آٹھ+2 میزبان ملک+ 2 سے 4 ٹیمیں بہتر آئی سی سی کی رینکنگ کی بنیاد پر) براہ راست کوالیفائی کریں گی۔
بھارت رواں ورلڈکپ میں سپر 8 میں پہنچ چکا ہے اور میزبان ملک ہونے کی وجہ سے وہ 2026 کے ورلڈکپ میں براہ راست شامل ہوگا جبکہ سری لنکا رواں ایونٹ سے باہر ہوگیا ہے لیکن میزبان ملک ہونے کی وجہ سے وہ بھی اگلے ایونٹ میں براہ راست کوالیفائی کرگیا۔
اس کا مطلب ہے 2024 کی ٹاپ 8 ٹیمیں، سری لنکا اور 3 ٹیمیں (جو 30 جون 2024 تک بہتر رینکنگ پر ہوں گی) مجموعی طور پر 12 ٹیمیں بنتی ہیں وہ 2026 کے ایونٹ میں براہ راست کوالیفائی کریں گی۔
پاکستان ٹیم رواں ورلڈکپ میں سپر 8 میں نہیں پہنچتی تو کوئی بات نہیں، بہتر رینکنگ کی بنیاد پر وہ 2026 کے ٹی ٹوئنٹی ورلڈکپ میں براہ راست کوالیفائی کرے گی۔
پاکستان اس وقت آئی سی سی ٹی ٹوئنٹی رینکنگ میں ساتویں نمبر پر موجود ہے۔یوں 12 ٹیمیں براہ راست 2026 کا ٹی ٹوئنٹی ورلڈکپ کھیلیں گی جبکہ 8 ٹیمیں ریجنل کوالیفائنگ راؤنڈ سے آئیں گی۔
