کینیڈاانتخابات میں لبرل پارٹی آف کینیڈاکے 6 پاکستانی نژاد کینیڈین کامیاب

اونٹاریو(اشرف خان لودھی سے)کینیڈا کے وفاقی انتخابات میں 6 پاکستانی نژاد کینیڈین امیدواروں نے کامیابی حاصل کی ہے.

اسکار بورو ڈان ویلی ایسٹ سےلبرل پارٹی آف کینیڈا کی امیدوارسلمٰی زاہد، مسی ساگا ایرن ملز سے لبرل جماعت ہی کی اقرا خالد اور برامپٹن چِنگوزی پارک سے لبرل جماعت کےشفقت علی نے کامیابی حاصل کی ہے۔

اٹاوہ سینٹر سے لبرل پارٹی آف کینیڈا کے یاسر نقوی، پیئرفونڈز ڈالرڈ سے لبرل سمیر زبیری اور ہملٹن سینٹر سے اسلم رانا لبرل پارٹی آف کینیڈا کے پلیٹ فارم سے الیکشن جیتے ہیں۔

سلمٰی زاہد، اقرا خالد، شفقت علی، یاسر نقوی اور سمیر زبیری دوسری بار ارکانِ پارلیمنٹ منتخب ہوئے ہیں جبکہ اسلم رانا پہلی بار رکنِ پارلیمنٹ منتخب ہوئے ہیں۔ اس الیکشن میں 50 سے زائد پاکستانی نژاد امیدواران حصّہ لے رہے تھے۔