ایک دلچسپ واقعے میں 30 کے بجائے صرف 3 لاکھ سالانہ تنخواہ ہونے پر لڑکی نے شادی سے صاف انکار کردیا جس کی چیٹ وائرل ہوگئی۔بھارت میں مردوں کے حقوق کیلئےسرگرم ایک کارکن کی جانب سے خاتون کے ساتھ بات چیت کا اسکرین شارٹ شیئر کیا گیا ہے، جس سے پتا چلتا ہے کہ مذکورہ خاتون نے کم تنخواہ ہونے پر شادی سے صاف انکار کردیا۔
کش سف شخص نے سوشل میڈیا پلیٹ فارم ایکس پر چیٹ کا اسکرین شاٹ شیر کیا، جس میں پہلے تو خاتون انھیں جلد سے جلد منگنی کرنے کیلئے کہہ رہی تھیں جب تک اسے یہ نہیں پتا چلا کہ اس کے ہونے والے شوہر کی تنخواہ کم ہے۔مذکورہ شخص سیو انڈین فیملی فاؤنڈیشن میں کونسلر کی حیثیت سے کام کرتا ہے جو کہ مرودوں کے حقوق کیلئےسرگرم ادارہ ہے۔
کش نے بتایا کہ خاتون اس سے پہلے تو بہت ہی عمدہ طریقے سے بات کررہی تھیں، تاہم جب میں نے اسے بتایا کہ مجھ سے ایک ’ٹائپو ایرر‘ ہوگیا ہے اور میں نے اپنی سالانہ تنخواہ میں غلطی سے ایک ’0‘ کا اضافہ کردیا ہے تو اس کا رویہ بدل گیا۔میں نے اسے بتایا کہ میری سالانہ تنخواہ 30 لاکھ روپے نہیں بلکہ صرف 3 لاکھ روپے ہے تو اس عورت نے شادی سے انکار کردیا جو کہ پہلے سے طلاق یافتہ تھی۔ (یہ بات کش کو بعد میں تحقیقات کے ذریعے پتا چلی۔)
اسکرین شاٹ سے ظاہر ہوتا ہے کہ اصل تنخواہ پتہ لگنے گے پہلے تک وہی خاتون جلد سے جلد منگنی کا کہہ رہی تھی، کش نامی شخص نے کہا کہ ہمیں ایک دوسرے کو جاننے کیلئےمزید وقت چاہیے کیوں کہ یہ ہم دونوں کی دوسری شادی ہے۔اس کے جواب میں مذکورہ خاتون کا کہنا تھا کہ وہ مزید انتظار نہیں کرسکتی یا تو پھر ہم دنوں کو کسی اور کو ڈھونڈنا پڑے گا۔
