برامپٹن، اونٹاریو (نمائندہ خصوصی) سٹی آف برامپٹن ایک بار پھر فنکاروں کو دعوت دے رہا ہے کہ وہ شہر کی خوبصورتی میں اپنا حصہ ڈالیں۔ ’’برامپٹن باکسڈ 2025‘‘ کے تحت 15 ابھرتے ہوئے فنکاروں کو موقع دیا جائے گا کہ وہ شہر کے ٹریفک باکسز پر اپنی تخلیقی صلاحیتوں کا مظاہرہ کریں۔
یہ تخلیقی منصوبہ برامپٹن کی ثقافت، تنوع اور فنکارانہ حسن کا جشن منانے کیلئے پیش کیا جا رہا ہے، تاکہ شہر کی گلیوں اور سڑکوں کو دلکش شاہکاروں میں بدلا جا سکے۔اگر آپ فن کے شوقین ہیں اور برامپٹن سے کسی قسم کا تعلق رکھتے ہیں، تو یہ موقع ضائع نہ کریں!👉 درخواستیں جمع کروانے کا عمل شروع ہو چکا ہے!
آئیں، اپنے فن سے برامپٹن کی گلیوں کو رنگین اور دلکش بنائیں۔
