برامپٹن، اونٹاریو(نمائندہ خصوصی) انوائرمینٹ اینڈ کلائمیٹ چینج کینیڈا نے برامپٹن اور گریٹر ٹورنٹو ایریا (GTA) کیلئے ایک خصوصی موسمی الرٹ جاری کیا ہے، جس کے مطابق بارش کا سلسلہ منگل کی رات سے شروع ہو کر بدھ کے دن بھر جاری رہنے کا امکان ہے۔
یہ سست رفتار موسمی نظام 15 سے 25 ملی میٹر تک بارش لا سکتا ہے، جو پگھلتی ہوئی برف کے ساتھ مل کر نشیبی علاقوں میں مقامی سطح پر سیلاب اور سڑکوں پر پانی جمع ہونے کا سبب بن سکتا ہے۔مزید برآں، زمین جمی ہوئی ہے اور بارش کو جذب کرنے کے قابل نہیں، جس سے ممکنہ سیلابی صورتحال مزید خراب ہو سکتی ہے۔
پبلک ورکس اینڈ انجینئرنگ (PWE) کی ٹیمیں واٹر ڈرینیج کے نظام کو فعال طور پر مانیٹر کر رہی ہیں اور کیچ بیسنز، آؤٹ فالز، اور انلیٹس کو صاف کرنے میں مصروف ہیں۔ PWE آپریشنز مینٹیننس انسپکٹرز مسلسل سڑکوں کی صورتحال اور پانی کی سطح کی نگرانی کر رہے ہیں۔ پارکس مینٹیننس اور فاریسٹری اسٹاف پارکوں میں ندی نالوں اور دریا کی سطح کا جائزہ لے رہے ہیں تاکہ پارک کے وزیٹرز کو محفوظ رکھا جا سکے۔
اس دوران طوفانی پانی کے تالابوں، ندیوں اور دریاؤں کے قریب موجود پارکس اور ٹریلز سے دور رہیں۔ سیلابی علاقوں میں جانے سے گریز کریں اور مقامی حکام کی ہدایات پر عمل کریں۔بڑھتے ہوئے درجہ حرارت کے باعث برف پگھل رہی ہے، جس کے نتیجے میں پانی فٹ پاتھوں کے قریب اور گھروں کے ڈرائیو ویز کے اختتام پر جمع ہو سکتا ہے۔
پانی بارش رکنے کے بعد بھی 72 گھنٹوں تک جائیدادوں پر موجود رہ سکتا ہے۔ اگر پانی 72 گھنٹوں سے زیادہ برقرار رہے، تو شہری فوری طور پر سٹی انتظامیہ کو اطلاع دیں۔ برامپٹن سٹی، برامپٹن ایمرجنسی مینجمنٹ آفس (BEMO) کے ساتھ مل کر صورتحال کا جائزہ لے رہا ہے اور کسی بھی ضروری ردِ عمل کیلئےاقدامات کر رہا ہے۔ شہر کی تمام سہولیات کا باقاعدہ معائنہ کیا جا رہا ہے تاکہ بارش سے متعلق ممکنہ مسائل کی بروقت نشاندہی اور حل کیا جا سکے۔
سیلابی پانی سے دور رہیں ،خود، اپنے خاندان اور پالتو جانوروں کو سیلابی پانی کے قریب نہ جانے دیں۔ کھڑے پانی سے بچیں.یہ برقی چارج شدہ ہو سکتا ہے، اور گرے ہوئے بجلی کے تاروں سے دور رہیں اگر تہہ خانے میں پانی بجلی کے ساکٹ، ہیٹر یا دیگر الیکٹریکل سسٹمز تک پہنچ گیا ہو، تو بجلی منقطع کیے بغیر اندر نہ جائیں۔
سیلابی پانی میں پیدل چلنے یا گاڑی چلانے سے گریز کریں. تیز بہاؤ ڈوبنے کا خطرہ پیدا کر سکتا ہے اور سڑکوں یا عمارتوں کو نقصان پہنچا سکتا ہے۔ نشیبی علاقوں سے دور رہیں، سیلابی پانی میں سیوریج، کیمیکل یا ملبہ ہو سکتا ہے، جو صحت کیلئےخطرناک ہے۔
گٹر، چھت کے پرنالے اور طوفانی پانی کے نکاسی کے راستے صاف رکھیں. یہ یقینی بنائیں کہ سمپ پمپس (Sump Pumps) اور بیک واٹر والوز (Backwater Valves) صحیح کام کر رہے ہیں۔ کیچ بیسنز (Catch Basins) کی صفائی میں مدد کریں اگر شہری کیچ بیسنز کو دیکھ سکتے ہیں اور انہیں صاف کرنے کے قابل ہیں تو اس سے نکاسی آب میں بہتری آئے گی اور پانی زیادہ مؤثر طریقے سے بہہ سکے گا۔
اگر آپ کو میونسپل سڑکوں پر سیلاب یا کوئی اور مسئلہ نظر آئے، تو فوری طور پر سروس برامپٹن سے برامپٹن کے اندر: 311، برامپٹن سے باہر: 2000-874-905پررابطہ کریں. درخواستوں پر ترجیحی بنیاد پر کارروائی کی جائے گی، خاص طور پر اگر سیلاب ایمرجنسی گاڑیوں کی رسائی میں رکاوٹ ڈال رہا ہو۔
سروس برامپٹن 24/7 دستیاب ہے، تاہم رات 12 بجے سے صبح 7 بجے تک صرف ہنگامی درخواستوں پر کارروائی کی جائے گی۔غیر ہنگامی درخواستیں “311 ایپ” کے ذریعے جمع کروائیں (ایپ اسٹور اور گوگل پلے پر دستیاب) یا ویب سائٹ پر جائیں: 311brampton.ca ہنگامی صورتحال میں فوراً 911 پر کال کریں۔
سیلاب سے بچاؤ اور بحالی کے رہنما اصول دیکھنےکیلئے brampton.ca/preparedبرامپٹن میں تفریحی سرگرمیاں اور پبلک سروس اپڈیٹس کیلئےموسمی حالات تفریحی پروگراموں اور خدمات کو متاثر کر سکتے ہیں۔ تازہ ترین معلومات کیلئے فالو کریں: @BramptonParksRec یا وزٹ کریں brampton.ca/recreation
موسم کی خرابی ٹرانزٹ سروسز پر اثر ڈال سکتی ہے۔ حقیقی وقت کی معلومات کیلئے برامپٹن ٹرانزٹ کانٹیکٹ سینٹر پر کال کریں: 2999-874-905اور فالو کریں: @BramptonTransitبرامپٹن سٹی انتظامیہ موسمی حالات کی نگرانی کر رہی ہے اور شہریوں کی حفاظت کیلئے اپنی کارروائیاں مسلسل ایڈجسٹ کر رہی ہے۔
