تہران(ایرانی سرکاری میڈیا، پاسدارانِ انقلاب)ایران کی پاسدارانِ انقلاب نے دعویٰ کیا ہے کہ اس کے فضائی دفاعی نظام نے دارالحکومت تہران اور دیگر علاقوں میں اسرائیلی اور امریکی ڈرونز کے ساتھ ایک کروز میزائل کو تباہ کر دیا۔
سرکاری میڈیا کے مطابق بدھ اور جمعرات کی درمیانی شب ایک بغیر پائلٹ طیارے کو تہران کی فضائی حدود میں نشانہ بنایا گیا، جبکہ ایک جدید ڈرون کو صوبہ البرز کے شہر کیراج کے قریب مار گرایا گیا۔ پاسدارانِ انقلاب نے بتایا کہ دونوں ڈرونز مسلح تھے اور انہیں کسی بھی ممکنہ کارروائی سے قبل ہی تباہ کر دیا گیا۔
مزید برآں، صوبہ قازون میں ایک کروز میزائل کو ایران کے جدید اور مربوط فضائی دفاعی نظام کے ذریعے تباہ کرنے کا دعویٰ کیا گیا ہے۔ حکام کے مطابق یہ کارروائی ملک کے انٹیگریٹڈ ایئر ڈیفنس نیٹ ورک کے تحت انجام دی گئی۔
