جرمنی کے شہر ماکدے برگ میں ایک شخص نے گاڑی ہجوم پر چڑھا دی، جس کے نتیجے میں 5 افراد ہلاک اور 200 سے زائد زخمی ہوگئے، زخمیوں میں 40 کی حالت تشویشناک ہے۔
جرمن حکام کا کہنا ہے کہ کرسمس بازار پر حملے میں ملوث سعودی شہری گرفتار کرلیا گیا ہے، جو پیشے کے لحاظ سے ڈاکٹر ہے اور 2006 سے جرمنی میں رہائش پذیر ہے۔واقعے کے بعد پولیس نے علاقے کو سیل کردیا اور اسپتالوں میں ایمرجنسی نافذ کردی گئی۔
دوسری جانب جرمن چانسلر اولف شولز نے عوام کرسمس بازاروں میں محتاط رہنے کی ہدایت کی ہے۔ان کا کہنا ہے کہ کرسمس مارکیٹ کے واقعے نے بدترین تشویش کوجنم دیا ہے، میری ہمدردیاں متاثرین اور ان کے اہلخانہ کے ساتھ ہیں۔
