آج، جسٹن ٹروڈو نے مسی ساگا، اونٹاریو میں لبرل پارٹی کے ایک فنڈ ریزنگ ایونٹ میں شرکت کی۔ یہ ایونٹ اس وقت ہوا جب لبرلز کو ٹورنٹو کے سینٹ پالز کے ضمنی انتخابات میں شکست کا سامنا کرنا پڑا، جو وہ 30 سال سے زیادہ عرصے سے جیتتے آئے تھے۔ اس فنڈ ریزر کا مقصد اگلے وفاقی انتخابات سے پہلے پارٹی کی حمایت کو متحرک کرنا تھا۔ ایونٹ کے دوران، ٹروڈو اور برامپٹن کے ایم پی کمل کھیرا اور ایم پی شفقت علی نے حکومت کے کینیڈا کو مضبوط بنانے کے منصوبوں پر بات کی۔
ٹروڈو نے حالیہ سیاسی چیلنجز کو تسلیم کیا لیکن کینیڈین عوام کی شکایات اور مسائل کو حل کرنے کے عزم کا اظہار کیا۔ انہوں نے ضمنی انتخابات کے قریبی مقابلے کو اس بات کی یاد دہانی قرار دیا کہ ان کے سامنے ابھی بہت کام باقی ہے۔
ایم پی شفقات علی نے اپنی تقریر میں کہا کہ وہ ہمیشہ امن و استحکام کے حامی ہیں اور فلسطین کے عوام کی مشکلات کو سمجھتے ہیں۔ تاہم، انہوں نے واضح کیا کہ لبرل پارٹی ہمیشہ انصاف اور انسانیت کے حق میں بات کرتی ہے اور یہ فنڈ ریزنگ ایونٹ سیاسی تعاون اور ترقی کیلئےہے۔مظاہرین اور حکومت کے درمیان تناؤ مسلسل بڑھتا جا رہا ہے، خاص طور پر اس وقت جب اسرائیل-حزب اللہ تنازعہ عروج پر ہے۔
