سابق کپتان سرفراز احمد نے ون ڈے اور ٹی 20 فارمیٹ کے لیے محمد رضوان کو کپتان بنانے کا مشورہ دے دیا۔
قومی ٹیم کے سابق کپتان سرفراز احمد نے ڈومیسٹک اور فرنچائز کرکٹ میں محمد رضوان کے کامیاب ریکارڈ کا حوالہ دیتے ہوئے انہیں وائٹ بال فارمیٹس کے لیے کپتان بنانے کی حمایت کی ہے۔
انہوں نے کہا کہ محمد رضوان نے ماضی میں کے پی کے کو تمام ڈومیسٹک ایونٹس اپنے کپتانی میں جتوائے ہیں۔
سرفراز احمد نے کہا کہ ملتان سلطانز کے کپتان کے طور پر محمد رضوان کی کارکردگی کئی سالوں سے بہترین رہی ہے، وہ کپتان کے لیے بہترین انتخاب ہیں۔
سابق کپتان نے سلیکشن کمیٹی کو کم کرکے تین ممبران کرنے کی تجویز دی اور کہا کہ صرف وہاب ریاض اور عبدالرزاق کو ہٹانا کافی نہیں ہوگا۔
سرفراز احمد نے کہا کہ اگر ہم سسٹم کو صحیح راستے پر رکھنا چاہتے ہیں تو بڑی سرجری کی ضرورت ہے۔
