سنچورین: پہلے ٹیسٹ میچ میں جنوبی افریقی پیسرز کی عمدہ بولنگ ک بدولت پاکستان کی پہلی اننگز 211 رنز پر سمٹ گئی۔پاکستانی بیٹرز جنوبی افریقی بولرز کے سامنے مشکلات کا شکار رہے، پوری پاکستانی ٹیم پہلی اننگز میں 211 رنز بناکر پویلین لوٹ گئی، صرف مڈل آرڈ بیٹر کامران کی واحد بیٹر تھے جنھوں نے نصف سنچری اسکور کی، وہ 54 رنز بناکر نمایاں رہے۔
گرین شرٹس کی طرف سے عامرجمال نے 28 اور محمد رضوان نے 27 رنز کی اننگز کھیلی، سلمان علی آغا 18، شان مسعود 17، صائم اور سعود 14، 14 رنز بنا سکے۔جنوبی افریقہ کی جانب سے عمدہ بولنگ کرتے ہوئے پیسر ڈین پیٹرسن نے 5 بیٹرز کو پویلین بھیجا، چکوربن بوش نے 4 وکٹیں حاصل کیں۔
اس سے قبل پاکستان اور جنوبی افریقہ کے درمیان دو ٹیسٹ میچوں کی سیریز کا پہلا میچ (باکسنگ ڈے ٹیسٹ) سنچورین میں کھیلا جا رہا ہے۔ میزبان ٹیم نے ٹاس جیت کر پہلے فیلڈنگ کا فیصلہ کیا جو ان کے بولرز نے درست ثابت کیا۔
پاکستان کی جانب سے کپتان شان مسعود اور صائم ایوب نے اننگ کا آغاز کیا لیکن صرف 36 رنز پر یہ جوڑی ٹوٹ گئی۔ شان مسعود 17 رنز بنا کر بوش کی وکٹ بن گئے۔ مجموعے میں صرف 4 رنز کے اضافے کے بعد صائم ایوب بھی 14 رنز پر پیٹرسن کے ہاتھوں آؤٹ ہوگئے۔
تجربہ کار بلے باز بابر اعظم صرف 4 اور نائب کپتان سعود شکیل 14 رنز کے مہمان ثابت ہوئے۔ 56 رنز پر چار وکٹیں گرنے کے بعد کامران غلام اور محمد رضوان نے محتاط انداز اختیار کرتے ہوئے پانچویں وکٹ کیلئے 81 رنز کی پارٹنر شپ قائم کی۔ اس دوران کامران غلام نے نصف سنچری مکمل کی تاہم انہیں 54 رنز کے انفرادی اسکور پر پیٹرسن نے قابو کیا۔ محمد رضوان 27 کے انفرادی اسکور پر پیٹرسن کی چوتھی وکٹ بن گئے۔
کریز پر سلمان علی آغا اور عامر جمال پاکستان کی آخری امید کی کرن بیٹنگ جوڑی ہے۔جنوبی افریقہ کی جانب سے اب تک پیٹرسن سب سے کامیاب بولر رہے ہیں۔ انہوں نے 38 رنز دے کر چار کھلاڑیوں کو آؤٹ کیا ہے جب کہ کوربن بوش نے دو وکٹیں حاصل کر رکھی ہیں۔
قبل ازیں ٹاس ہارنے اور حریف ٹیم کی جانب سے بیٹنگ کی دعوت ملنے پر پاکستانی کپتان شان مسعود نے کہا تھا کہ پروٹیز کے خلاف ٹیسٹ سیریز کے چیلنج کیلئےتیار ہیں اور پہلی اننگ میں اچھا اسکور کرنے کی کوشش کریں گے۔
باکسنگ ڈے ٹیسٹ کیلئےپاکستانی ٹیسٹ ٹیم میں بابر اعظم کی واپسی ہوئی ہے۔ قومی ٹیم کی فائنل الیون میں کوئی اسپیشلسٹ اسپنر شامل نہیں جب کہ چار فاسٹ بولرز کو شامل کیا گیا ہے۔ محمد عباس تین سال بعد ٹیسٹ میچ کھیل رہے ہیں، انہوں نے آخری ٹیسٹ میچ 2021 میں کھیلا تھا۔
پاکستانی کپتان کا کہنا تھا کہ سنچورین کی پچ فاسٹ بولنگ کیلئےسازگار ہے اس لئےچار پیسرز کو شامل کیا گیا ہے۔پاکستانی ٹیم شان مسعود (کپتان)، سعود شکیل (نائب کپتان)، صائم ایوب، کامران غلام، بابر اعظم، محمد رضوان، سلمان علی آغا، عامر جمال، نسیم شاہ، خرم شہزاد اور محمد عباس پرمشتمل ہے۔
جنوبی افریقہ کی ٹیم میں ٹیمبا باوما (کپتان)، ٹونی ڈی زورزی، ایڈن مارکرم، ریان رکلٹن، ٹرسٹان اسٹبس، ڈیوڈ بیڈنگھم، کائل ویرینی، کاگیسو ربادا، مارکو جانسن، ڈین پیٹرسن، کوربن بوش شامل ہیں۔
شان مسعود کی قیادت میں پاکستان ٹیم نے مسلسل چھ شکستوں کے بعد انگلینڈ کو ہوم سیریز میں دو، ایک سے شکست دی تھی۔دورہ جنوبی افریقہ میں گرین شرٹس کو ٹی 20 سیریز میں شکست ہوئی جب کہ ون ڈے سیریز میں وائٹ واش کر کے قومی ٹیم نے تاریخ رقم کی۔
