سیئول(نیٹ نیوز)جنوبی کوریا کی فضائیہ کے دو KF-16 لڑاکا طیاروں نے 6 مارچ 2025 کو پوچون شہر کے قریب تربیتی مشق کے دوران غلطی سے آٹھ MK-82 بم شہری علاقے پر گرا دیے، جس کے نتیجے میں 15 افراد زخمی ہوئے، جن میں سے دو کی حالت تشویشناک ہے۔ یہ واقعہ صبح 10 بجے کے قریب پیش آیا، جب بم مقررہ فائرنگ رینج سے باہر گرے، جس کی وجہ سے گھروں، ایک گرجا گھر اور ایک گودام کو شدید نقصان پہنچا۔
فضائیہ کے مطابق، یہ حادثہ پائلٹ کی جانب سے غلط کوآرڈینیٹس درج کرنے کے باعث پیش آیا۔ مقامی حکام نے تقریباً 50 رہائشیوں کو علاقے سے نکالا، اور فضائیہ نے شہری نقصانات پر معذرت کرتے ہوئے معاوضہ فراہم کرنے کا وعدہ کیا ہے۔ پوچون کے میئر، بیک ینگ ہیون، نے مزید حفاظتی اقدامات کے نفاذ تک فوجی مشقوں کو معطل کرنے کا مطالبہ کیا ہے۔
یہ واقعہ جنوبی کوریا اور امریکہ کی مشترکہ سالانہ فوجی مشق “فریڈم شیلڈ” کی تیاری کے دوران پیش آیا، جو 10 مارچ سے 20 مارچ تک جاری رہیں گی۔ جنوبی کوریا کی فضائیہ نے جمعرات کو اطلاع دی کہ اس کے ایک لڑاکا طیارے نے تربیتی مشق کے دوران غلطی سے 8 بم غلط مقام پر گرا دیے، جس کے نتیجے میں متعدد شہری زخمی ہو گئے۔
فضائیہ نے تحقیقات کا آغاز کر دیا ہے تاکہ اس حادثے کی وجوہات کا تعین کیا جا سکے۔ شہریوں کو ہونے والے نقصانات کے ازالے کے لیے معاوضے کا اعلان کیا گیا ہے۔ مقامی حکام نے متاثرہ علاقے سے تقریباً 50 شہریوں کا انخلا کیا اور حفاظتی اقدامات سخت کرنے کا مطالبہ کیا۔
اس حوالے سے جنوبی کوریا کی فضائیہ نے کہاہے “ہم بموں کے غیر ارادی طور پر گرنے پر گہری افسوس کا اظہار کرتے ہیں، جس کے نتیجے میں شہری زخمی ہوئے۔ ہم زخمیوں کی جلد صحت یابی کیلئےدعاگو ہیں۔اس کے علاوہ
جنوبی کورین فضائیہ نے اعلان کیا ہے کہ اس حادثے کی تحقیقات کیلئےایک خصوصی کمیٹی قائم کر دی گئی ہے، جو واقعے کی وجوہات کا جائزہ لے گی اور اس کے بعد متاثرہ افراد کے نقصانات معاوضے کی فراہمی سمیت ازالے کیلئےتمام ضروری اقدامات کیے جائیں گے.
