اسلام آباد (سپورٹس ڈیسک) وزیراعظم پاکستان میاں محمد شہباز شریف نے پاکستان ہاکی تنظیم میں عارضی انتظام نافذ کرتے ہوئے سیکریٹری بین الصوبائی رابطہ محی الدین وانی کو عارضی طور پر تنظیم کا سربراہ مقرر کردیا۔چند روز قبل قومی ہاکی میں بدنظمی کے معاملات سامنے آئے تھے۔ کھلاڑیوں نے ٹیم کے منتظمین پر الزامات عائد کیے جبکہ منتظمین نے ان الزامات کو رد کیا۔
وزیراعظم نے صورتِ حال کا نوٹس لیا، جس کے بعد تنظیم کے سربراہ طارق بگٹی نے قومی ہاکی ٹیم کے کپتان عماد بٹ پر تنظیم اور منتظمین کے خلاف الزامات لگانے پر دو برس کی پابندی عائد کی اور بعد ازاں اپنے عہدے سے استعفیٰ دے دیا۔وزیراعظم نے طارق بگٹی کا استعفیٰ منظور کرتے ہوئے محی الدین وانی کو عارضی طور پر پاکستان ہاکی تنظیم کا سربراہ مقرر کردیا۔
