ٹورنٹو (نمائندہ خصوصی) روحانی پیشوا و شیخ سلسلہ نقشبندیہ اویسیہ، حضرت امیر عبدالقدیر اعوان (مدظلہ العالی) تزکیۂِ نفس اور اصلاحِ معاشرہ کے مقدس مشن پر کینیڈا تشریف لا رہے ہیں۔ اس دورے کے دوران 10 اکتوبر سے 13 اکتوبر تک مسی ساگا، برامپٹن اور ایجیکس میں روحانی اجتماعات اور کانفرنسوں کا انعقاد کیا جائیگا۔ ان پروگرامات کا مقصد حاضرین کے قلوب کو اللہ کی یاد سے منور کرنا اور سنتِ نبوی ﷺ کی پیروی کا جذبہ بیدار کرنا ہے۔
“عالمی شہرت یافتہ روحانی شخصیت، فضیلۃ الشیخ امیر عبدالقدیر اعوان”
دارالعرفان منارہ، چکوال (شمالی پنجاب، پاکستان) سے تعلق رکھنے والے فضیلۃ الشیخ امیر عبدالقدیر اعوان ایک عالمی شہرت یافتہ مذہبی اسکالر، سلسلہ نقشبندیہ اویسیہ کے شیخ اور اسلامی روحانیت (تصوف) کے عظیم پیشوا ہیں۔ آپ کی شخصیت علم، عمل اور روحانیت کا حسین امتزاج ہے۔
شیخ محترم ایک حقیقی صاحبِ بصیرت، فصیح و بلیغ خطیب، اور ایک انتہائی متاثر کن مقرر کے طور پر جانے جاتے ہیں۔ آپ ایک روحانی معلم، ماہرِ تعلیم، ایک کامیاب تاجر اور ماہرِ زراعت بھی ہیں۔ آپ کی تعلیمات لاکھوں لوگوں کیلئے مشعلِ راہ ہیں جو زندگی کے مختلف شعبوں میں رہنمائی فراہم کرتی ہیں۔
مذہبی اور روحانی خدمات کے ساتھ ساتھ، آپ خدمتِ خلق کے کاموں میں بھی گہری دلچسپی رکھتے ہیں اور ایک مخلص مخیر شخصیت کے طور پر پہچانے جاتے ہیں۔ آپ کی سماجی خدمات کا دائرہ بہت وسیع ہے۔ ان تمام خوبیوں کے علاوہ، آپ ممتاز عوامی شخصیت اور ایک اعلیٰ پائے کے صاحبِ قلم اور ادبی شخصیت بھی ہیں۔
امیر عبدالقدیر اعوان کی شخصیت عصرِ حاضر میں علم، روحانیت اور عملی زندگی کی ایک جامع مثال ہے، جو انہیں ایک منفرد اور انتہائی قابلِ احترام مقام عطا کرتی ہے۔
سلسلہ نقشبندیہ اویسیہ کے زیرِ اہتمام منعقد ہونے والے ان پروگرامات میں مرد و خواتین کیلئے خصوصی نشستوں کا اہتمام کیا گیا ہے۔
“جمعہ، 10 اکتوبر، دوپہر 01:00بجے”
جامع مسجد اسلامیہ کینیڈا، مسی ساگا میں جمعہ بیان ہوگا جس میں مرد و خواتین شرکت کر سکیں گے۔
“جمعہ، 10 اکتوبر، شام 05:30بجے”
مسجد اقصیٰ برامپٹن: “بعثتِ رحمتِ عالم ﷺ کانفرنس” میں مرد و خواتین کو شرکت کی اجازت ہوگی۔
“ہفتہ 11 اکتوبر، شام 04:00بجے”
سن سیٹ اسٹیٹ، ایجیکس میں”تزکیۂِ قلب کانفرنس”یہ نشست بھی مرد و خواتین کیلئےمشترکہ ہوگی۔
“اتوار 12 اکتوبر، دوپہر 12:00بجے”
مرکز (برائے خواتین)، مسی ساگا میں خواتین کیلئے خصوصی ملاقات اور نشست کا اہتمام کیا گیا ہے۔
” پیر، 13 اکتوبر، دوپہر 03:00بجے”
ٹورنٹو مرکز، برامپٹن میں صرف مرد حضرات کیلئے’’صحبتِ شیخ (تزکیۂِ نفس)‘‘ کا خصوصی پروگرام منعقد ہوگا۔
منتظمین نے کینیڈا میں مقیم مسلم کمیونٹی سے گزارش کی ہے کہ وہ ان روحانی اجتماعات میں بھرپور شرکت کریں اور شیخ المکرم امیر عبدالقدیر اعوان (مدظلہ العالی) کی صحبت سے اپنے قلوب کو جلا بخشیں۔مزید تفصیلات اور معلومات کیلئے ان فون نمبرز پر رابطہ کیا جا سکتا ہے۔
“اورنگزیب چوہدری “3600-907-647-1+،” راحت عباس مرزا “1353-522-647-1+
