غیر قانونی تارکینِ وطن کو لیبیا سے اٹلی لے جانے والی کشتی پر 8 ماہ کی حاملہ شامی خاتون نے بچے کو دوران سفر کشتی پر ہی جنم دے دیا۔ یہ واقعہ آج علی ا لصبح پیش آیا جب ایک لکڑی کی کشتی پر 67 تارکینِ وطن غیر قانونی طور پر لیبیا سے اٹلی جا رہے تھے۔
ریسکیو ذرائع نے بتایا کہ کشتی میں67 افراد کو لیبیا سے غیرقانونی طور پر اٹلی لے جایا جا رہا تھا، جن میں 14 عورتیں، چار بچے اور پیدا ہونے والا نوزائیدہ بچہ بھی شامل تھا۔جس سے کشتی پر سوار افراد کی زندگیوں کو شدید خطرہ لاحق ہو گیا۔ اس موقع پر اطالوی کوسٹ گارڈز موقع پر پہنچ گئے جنہوں نے کشتی پر موجود تمام افراد کو بحفاظت ریسکیو کر لیا۔
نومولود بچے اور اس کی ماں سمیت تمام تارکینِ وطن کو اٹلی کے کاتانیا جزیرے پر منتقل کر دیا گیا ہے، جہاں ان کا طبی معائنہ اور ضروری امداد فراہم کی جا رہی ہے۔ اس واقعے نے سمندر کی گہرائیوں میں زندگی کی جدوجہد کو نمایاں کر دیا، جس میں ایک نوزائیدہ بچہ خطرناک حالات کے باوجود دنیا میں قدم رکھ گیا۔
یہ واقعہ انسانی ہمدردی اور جان بچانے کی اہمیت کو اجاگر کرتا ہے، جب مشکل ترین حالات میں بھی زندگی کی جیت ممکن ہو سکتی ہے۔مائیگریشن این جی او کامیناندو فرنٹیرس کی تازہ یکم جنوری2024 سے 5 دسمبر 2024 تک اسپین پہنچنے کی کوشش کے دوران کم از کم 10,457 افراد سمندر میں ہلاک یا لاپتہ ہوئے۔
