سابق امریکی صدر اور ری پبلکن صدارتی امیدوار ڈونلڈ ٹرمپ نے 2024 کے انتخابات سےقبل ڈیموکریٹ امیدوار کاملا ہیرس کے ساتھ ایک اور مباحثہ کرنے سے صاف انکار کردیا ہے۔بین الاقوامی خبر رساں ادارے کی رپورٹ کے مطابق سوشل میڈیا پر بیان میں سابق صدر نے کہا کہ کاملا ہیرس کے ساتھ ایک اور مباحثے میں حصہ نہیں لوں گا۔سابق صدر کا کہنا تھا کہ ایک مباحثہ جون میں بائیڈن اور دوسرا کاملا ہیرس کے ساتھ ہوا۔ اب کوئی تیسرا مباحثہ نہیں ہوگا۔اس سے قبل امریکی میڈیا نے اپنی رپورٹس میں تجزیہ پیش کرتے ہوئے امریکی صدارتی مباحثہ میں کاملا ہیرس کی کارکرگی کو بہتر قرار دیا۔میڈیا رپورٹس میں کہا گیا ہے کہ ڈیموکریٹک امیدوار کملا ہیرس نے ریپبلکن صدارتی امیدوار ڈونلڈ ٹرمپ کے مقابلے میں بہتر کارکردگی کا مظاہرہ کیا ہے۔جس کے ردعمل میں سابق صدر نے برہمی کا اظہار کیا اور الزام عائد کرتے ہوئے کہا کہ مباحثہ جانبدار تھا، دونوں میزبان کاملا ہیرس کے ساتھ تھے۔نائب صدر کمالا ہیرس نے ٹرمپ کے فیصلے کے جواب میں ایک اضافی مباحثے کی اپیل کی ہے.ٹرمپ نے اپنے سوشل میڈیا پلیٹ فارم پر کہا کہ نائب صدر کمالا ہیرس نے پہلے بھی مباحثے کی دعوتوں کو مسترد کیا اور مزید مباحثے کی کوئی ضرورت نہیں ہے۔
