ٹورنٹو (اشرف لودھی سے) قونصل جنرل آف پاکستان خلیل باجوہ کی طرف سے کینیڈامیں نئے تعینات ہونے والے ہائی کمشنرمحمدسلیم کے اعزازمیں افطارڈنرکااہتمام کیاگیا۔اپنے خطاب کے دوران خلیل باجوہ نے کہا میں آپ سب کو اس تقریب میں خوش آمدید کہتا ہوں، جو کینیڈا میں پاکستان کے نئے ہائی کمشنر محمد سلیم کے اعزاز میں منعقد کی گئی ہے۔ آپ حال ہی میں اپنی ذمہ داریاں سنبھال چکے ہیں، اور ہمیں خوشی ہے کہ آپ ہمارے درمیان موجود ہیں۔تقریب میں پاکستان اورکینیڈاکے قومی ترانے بھی سنائے گئے جن کے احترام میں تمام حاضرین اپنی اپنی نشستوں پراحتراماً کھڑے ہوگئے۔
ٹورنٹو میں قونصل جنرل آف پاکستان خلیل باجوہ نے مزیدکہاکہ اسی طرح، آج کی اس تقریب میں صوبائی پارلیمنٹ کے اراکین، منتخب کونسلرز، یونیورسٹیوں کے ڈینز اور پروفیسرز، ڈاکٹرز، انجینئرز، بیرسٹرز، میڈیا نمائندگان، کمیونٹی تنظیموں کے نمائندے، ممتاز کاروباری شخصیات اور صنعت کار بھی موجود ہیں۔یہ معزز شخصیات ریئل اسٹیٹ ڈیولپمنٹ، صنعت، زراعت و اجناس، سیاحت، ٹیلی کام، بینکنگ، اور آئی ٹی سیکٹر جیسے مختلف شعبوں میں نمایاں مقام رکھتی ہیں۔ہائی کمشنرمحمدسلیم کومخاطب کرتے ہوئے میں اس حقیقت کی گواہی دیتا ہوں کہ یہاں موجود پاکستانی نژاد کینیڈین شخصیات کے دل پاکستان کے ساتھ دھڑکتے ہیں۔یہ تمام افراد نہ صرف کینیڈا میں اپنے اپنے شعبوں میں نمایاں کامیابی حاصل کر چکے ہیں، بلکہ وہ مسلسل پاکستان اور کینیڈا کے درمیان دوطرفہ تعلقات کو مزید فروغ دینے میں بھی اہم کردار ادا کر رہے ہیں۔
کینیڈامیں تعینات ہونے والے ہائی کمشنرمحمدسلیم نے کہامجھے آپ کو یہ بتاتے ہوئے خوشی ہو رہی ہے کہ اس وقت کینیڈا پاکستان میں سب سے بڑا سرمایہ کار ملک ہے۔ صرف ایک منصوبے میں، بیریک گولڈ (Barrick Gold)، 2028 تک اس منصوبے کی کل مالی سرمایہ کاری تقریباً 10 بلین کینیڈین ڈالر ہوگی۔ابھی کیلئے، اس کی سرمایہ کاری تقریباً 1.5 بلین امریکی ڈالر ہے۔ میں آپ کو تھوڑی تاریخ بھی بتانا چاہتا ہوں۔ 1960 میں، پاکستان میں ایک اہم منصوبہ بنایا گیا، جو انڈس واٹر ٹریٹی کے بعد پہلا بڑا منصوبہ تھا۔یہ منصوبہ “واسا” کے نام سے جانا جاتا ہے، جو مکمل طور پر کینیڈین مہارت اور سرمایہ کاری سے بنایا گیا تھا۔ لہذا، ایک سفیر کا اصل کام پاکستان اور کینیڈا کو جوڑنا ہے۔
آج کی اس بابرکت محفل میں آپ سب کو خوش آمدید کہتے ہوئے دلی مسرت ہو رہی ہے۔ ہمیں فخر ہے کہ معزز کوثر جنت ، شفقت علی ،اراکینِ پارلیمنٹ میرے دوست شفقت علی ، سلمیٰ زاہد، اقراخالد اوردیگرپارلیمنٹ کے نمائندگان آج ہمارے درمیان موجود ہیں۔ان خیالات کااظہارکینیڈامیں قونصل جنرل مقررہونے والے محمدسلیم نے اپنے اعزازمیں دئیے گئے استقبالیہ تقریب سے خطاب میں کیاانہوں نے کہا میں نو منتخب ایم پی پی ذیشان حامد، منصور قادر شاہ ، سفیرِ محترم اسرائیل گوکر ، پروفیسر شمیم شیخ ، پروفیسر عامر آصف اور کمیونٹی کے دیگر معزز نمائندگان کی موجودگی پر دل کی گہرائیوں سے مشکور ہوں۔مجھے بے حد خوشی ہے کہ آپ سب نے رمضان المبارک کی اس پرنور ساعت میں ہمارے ساتھ افطار کیلئے وقت نکالا۔ ہم جانتے ہیں کہ ٹورنٹو جیسا مصروف شہر میں وقت نکالنا آسان نہیں، لیکن آپ کی شرکت ہمارےلئے باعثِ عزت و افتخار ہے۔اللہ تعالیٰ اس مقدس مہینے کی برکتیں ہم سب پر نازل فرمائے۔ آمین!
